Girish Bapat Passed Away Special Report : भाजप खासदार गिरीश बापट आनंतात विलीन

पुण्याचे भाजप खासदार गिरीश बापट यांचं निधन झालंय. ते ७३ वर्षांचे होते.. गेल्या अनेक महिन्यांपासून ते कॅन्सरशी झुंज देत होते. आज सकाळी त्यांची प्रकृती चिंताजनक बनली, त्यांना व्हेंटिलेटरवर ठेवण्यात आलं होतं.. मात्र दुपारी सव्वा बाराच्या सुमाराला त्यांचं दुर्देैवी निधन झालं. तीन टर्म नगरसेवक, पाच टर्म आमदार आणि २०१९ साली खासदार, अशी त्यांची राजकीय कारकीर्द होती. अतिशय मनमिळाऊ, मनमोकळे आणि सर्वांना सोबत घेऊन चालणारे अशी त्यांची ओळख होती. गेल्या महिन्यात कसबा निवडणुकीच्या प्रचारात त्यांनी भाजप कार्यकर्त्यांशी संवाद साधला होता.. तेव्हाही त्यांचं भावनिक आवाहन ऐकून अनेक कार्यकर्त्यांना अश्रू अनावर झाले होते.. मुख्यमंत्री शिंदे, फडणवीस, शरद पवार यांनी गिरीश बापट यांच्या पार्थिवाचं अंत्यदर्शन घेतलं.. पुण्यातील वैकुंठ स्मशान भूमीत गिरीश बापट यांच्या पार्थिवावर अंत्यसस्कार करण्यात आले.