Vidhan Parishad : विजयासाठी सेटिंग, क्रॉस व्होटिंग, पाच जागांवर मविआची मतं फुटली | Special Report

सत्ताधारी असो किंवा विरोधक... सगळ्याच पक्षातील नेते आणि उमेदवारांना एवढे असुरक्षित वाटतं, की समोरच्या गटातली मतं फोडल्याशिवाय जिंकणं अशक्य आहे अशी त्यांची धारणा झालीय.. हा नुसता आरोप नाहीय, तर विधान परिषदेच्या निकालांनी ही गोष्ट अधोरेखित केलीय..  महायुतीनं मविआची कुठे आणि किती मतं फोडली?... आणि महायुतीच्या नगरसेवकांनी मविआच्या उमेदवारासाठी कुठे कुठे क्रॉस व्होटिंग केलंय? पाहुयात,

स्थानिक स्वराज्य संस्थांच्या विधान परिषद निवडणुकांच्या निकालाचं वैशिष्ट्य काय?

असा प्रश्न कुणी विचारला तर त्याचं उत्तर असेल,

क्रॉस व्होटिंग, म्हणजेच मतांची फोडाफोडी...

एकूण १७ जागांसाठी विधान परिषद निवडणूक झाली

६ जागा बिनविरोध करण्यात महायुती यशस्वी ठरली

तर उरलेल्या ११ जागांचा सोमवारी निकाल लागला

आणि या ११ पैकी ९ ठिकाणी घोडेबाजार झाल्याचं मतांच्या आकडेवारीनं अधोरेखित केलंय...

सांगली-सातारा, परभणी-हिंगोली आणि भंडारा-गोंदिया या जागा महायुतीनं जिंकल्या खऱ्या...