Eknath Shinde Vs Ganesh Naik : नाईक Vs शिंदे, पत्रिकेवरून नवा संघर्ष! | ABP Majha Special Report

नवी मुंबईत गणेश नाईक विरुद्ध एकनाथ शिंदे हा वाद नवा नाही. दोन्ही नेते एकमेकांवर जाहीर टीका करत असल्याचं आजवर अनेकदा दिसलंय. पण आता मात्र हा वाद आमंत्रणपत्रिकेतल्या नावापर्यंत येऊन पोहोचलाय. नवी मुंबई महापालिकेच्या एका कार्यक्रमाच्या पत्रिकेत एकनाथ शिंदेंचं नावच न छापल्यामुळं शिवसैनिकांचा पारा चढला. त्यामुळं आज दिवसभरात नवी मुंबईत बरंच राजकीय नाट्य घडलं. याचाच आढावा घेऊया, या स्पेशल रिपोर्टमधून.

ज्या प्रश्नाचं उत्तर महापौरांना विचारा, असं गणेश नाईक म्हणतायत, त्याच प्रश्नावरून नवी मुंबईच्या राजकीय वर्तुळात खळबळ उडालीय. 

नवी मुंबई महानगरपालिकेनं वाशीमध्ये आयोजित केलेल्या कार्यक्रमात वनमंत्री गणेश नाईकांच्या हस्ते विविध विकासकामांचं उद्घाटन झालं.

पण या कार्यक्रमाच्या पत्रिकेत पालकमंत्री आणि उपमुख्यमंत्री एकनाथ शिंदेंचं नावच छापलं नव्हतं.

विशेष म्हणजे खासदार श्रीकांत शिंदे आणि खासदार नरेश म्हस्के यांची नावं पत्रिकेत होती.

पण एकनाथ शिंदेंचं नाव नसल्यामुळं हे नेतेही कार्यक्रमाकडं फिरकले नाहीत.