Eknath Shinde Not Invitation:नवी मुंबईतील कार्यक्रमासाठी एकनाथ शिंदेंना निमंत्रण नाही Special Report

राजकारण हे केवळ सत्ताधारी आणि विरोधक यांच्यातच घडतं, असं नाही. अनेकदा सत्ताधारी मित्रपक्षांमध्ये सुरु असलेलं राजकारण आणि त्यांच्यातल्या कोल्ड वॉरच्या घटना समोर येतात आणि चर्चा सुरु होते. कालपासून अशाच एका कोल्ड वॉरची चर्चा पुन्हा एकदा सुरु झालीय. विषय आहे नवी मुंबईत आयोजित कऱण्यात आलेल्या एका कार्यक्रमाला उपमुख्यमंत्री एकनाथ शिंदेंना निमंत्रण न मिळाल्याचा. ठाण्याचे पालकमंत्री असूनही नवी मुंबईतल्या कार्यक्रमाचं निमंत्रण त्यांना न मिळाल्यामुळे सर्वांच्याच भुवया उंचावल्या आणि चर्चेला सुरुवात झाली. पण ही चर्चा निरर्थक असल्याचं सांगत शिंदेंनी हा विषय लांबवण्यात आपल्याला रस नसल्याचं दाखवून दिलंय. बघूया, याविषयीचा सविस्तर रिपोर्ट. 

एकनाथ शिंदेंना 'न मिळालेल्या' निमंत्रणाची चर्चा

नवी मुंबईतील कार्यक्रमासाठी शिंदेंना निमंत्रण नाही

शिंदे आणि नाईकांमधील 'कोल्ड वॉर'ची चर्चा

भाजप त्यांना अडवतंय आणि त्यांची जिरवतंय - दानवे

अधिकाऱ्यांवर राजकीय दबाव असल्याचा शिरसाटांचा दावा

मुख्यमंत्री गेले म्हणजे मंत्रिमंडळ गेल्यासारखंच - एकनाथ शिंदे

ठाणे जिल्ह्यातील भाजप-सेना संबंधांची पुन्हा चर्चा