Missing Link : संवादाची लिंक मिसिंग? ठाकरेंच्या शिवसेनेचे वेगवेगळे सूर | Special Report

सोमवारी पहाटे मुंबई-पुणे मिसिंग लिंकवर दरड पडली अन् त्यावरून आरोप-प्रत्यारोप, टोलेबाजी झाली... १८ तासांच्या प्रयत्नानंतर महामार्गावरील वाहतूक सुरू झाली असली, तरी राजकारण सुरूच आहे... त्यातच ठाकरेंच्या शिवसेनेचे नेते वेगवेगळ्या सुरात बोलत असल्यामुळे त्या पक्षात चाललंय काय, याची चर्चा सुरू झालीये... दरड कोसळल्यामुळे ठप्प झालेली पुणे-मुंबई मिसिंग लिंक १८ तासांनी पुन्हा 'कनेक्ट' झाली... बंद पडलेल्या मार्गिकेवरून वाहतूक सुरू झाली असली, तरी बोगद्याच्या तोंडाशी आता एक धबधबा तयार झालाय.. तसंच या दुर्घटनेवरून सुरू असलेल्या आरोप-प्रत्यारोपांचा धबधबाही अविरत सुरू आहे... ठाकरेंच्या शिवसेनचे खासदार संजय राऊत यांनी आपल्या रोजच्या पत्रकार परिषदेत यावर सरकारवर तोफ डागली... पण राऊतांनी हे आरोप करण्याच्या काही तास आधी त्यांच्या पक्षाचे विधान परिषद आमदार मिलिंद नार्वेकरांनी केलेली ही एक्स पोस्ट बघा...