Children Vaccination : लवकरच लहान मुलांचं लसीकरण... मुंबईत 30 लाख मुलांच्या लसीकरणाचं उद्दिष्ट

कोरोनाच्या दोन्ही लाटांमुळे गेल्या दीड वर्षांपासून शाळा बंद होत्या. आत्ता कुठे राज्य अनलॉक होत असताना ओमायक्रॉनच्या रुपाने पुन्हा कोरोनाचं संकट डोक्यावर घोंगावतंय. 18 वर्षाहून अधिक वय असलेल्यांचं लसीकरण देशात सुरुये. पण लहान मुलांच्या लसीकरणाचं काय या प्रश्नाचं उत्तर मिळत नाहीये. तिसऱ्या लाटेच्या भितीमुळे मुलांच शैक्षणिक आयुष्य अधांतरी असताना आता लहान मुलांच्या लसीकरणाची मागणी जोर धरतेय. मुलांच्या लसीकरणासंदर्भात नेमक्या काय हालचाली सुरु आहेत. लहानग्यांचं लसीकरण कधी सुरु होणार?