Saat Barachya Batmya 712 : धाराशिव जिल्ह्यात पावसाची पाठ, कामे खोळंबली, शेतकरी चिंतेत Dharashiv

गेल्या तीन वर्षांपासून धाराशिव जिल्ह्यात जून महिन्यातच ८० टक्के पेक्षा अधिक क्षेत्रावर पेरणी होत होती. यावर्षी मात्र, जुलै महिन्याची १२ तारीख उजाडली तरी, आता पर्यंत केवळ १५ टक्केच पाऊस पडला आहे. त्यामुळे पाच लाख चार हजार हेक्टर पैकी एक लाख ६९ हजार हेक्टर्सवरच ३३.५८ टक्केच क्षेत्रावर पेरणी झाली. अद्यापही तीन लाख ३५ हजार शेत जमीन ओसाड आहे. सिना कोळेगाव धरणाने तळ गाठला असून मांजरा २३ व निम्न तेरणा मध्ये २८.४७ टक्के पाणी साठा असल्याचे दिसून आले.  अद्यापही पावसाचा पत्ताच नसल्याने जिल्ह्यातील शेतकरी वर्ग चिंतेत अडकला असल्याचे दिसून आले. याबद्दल अधिकची माहिती जाणून घेऊयात.