Pravin Gaikwad Allegations | बावनकुळेंवर गंभीर आरोप, 'सरकार पुरस्कृत' हल्ल्याचा दावा!

संभाजी ब्रिगेडच्या प्रवीण गायकवाड यांनी पत्रकार परिषद घेऊन भाजपाचे माजी प्रदेशाध्यक्ष चंद्रशेखर बावनकुळे यांच्यावर गंभीर आरोप केले आहेत. चंद्रशेखर बावनकुळे हेच दीपक काटे याचे गॉडफादर असून, त्यांच्याकडून दीपक काटेला राजकीय पाठबळ आणि पाठिंबा पुरविण्यात आल्याचा दावा गायकवाड यांनी केला. "देवेंद्र फडणवीस आणि मी स्वतः तुझ्या पाठीशी आहोत," असे चंद्रशेखर बावनकुळे यांनी जाहीर सभेत सांगितल्याचा व्हिडीओ उपलब्ध असल्याचा उल्लेख गायकवाड यांनी केला. त्यामुळे आपल्यावरील हल्ल्याचे मास्टरमाइंड चंद्रशेखर बावनकुळे आहेत, असा आरोप प्रवीण गायकवाड यांनी केला. हा हल्ला सरकार पुरस्कृत होता, असेही गायकवाड यांनी म्हटले. मुख्यमंत्री देवेंद्र फडणवीस आणि चंद्रशेखर बावनकुळे यांनी सभागृहात खोटी माहिती दिली, असा आरोपही गायकवाड यांनी केला. बावनकुळे हे सध्या महसूलमंत्री असून, ते दोन नंबरचे मंत्री आहेत, असेही गायकवाड यांनी नमूद केले. बावनकुळे यांनी मात्र हे आरोप फेटाळून लावले असून, अशा घटनांचा निषेध करत असल्याचे म्हटले आहे. त्यांच्यावर कारवाई करण्याची गरज असल्याचेही त्यांनी सांगितले.