Disney Plus Hotstar New Policy : वॉल्ट डिस्नेने आपल्या भारतीय स्ट्रीमिंग प्लॅनमध्ये म्हणजेच Hotstar मध्ये एक नवीन बदल केला आहे. कंपनीने म्हटले आहे की, त्याचे प्रीमियम वापरकर्ते आता एकाच वेळी 4 उपकरणांवर लॉग इन करू शकतील. यासह, वापरकर्ते त्यांचे कुटुंब आणि मित्रांसह डिस्ने + हॉटस्टारचा आनंद घेऊ शकतील. नेटफ्लिक्सशी स्पर्धा करण्यासाठी हे पाऊल उचलण्यात आले आहे. नेटफ्लिक्सने मे महिन्यात 100 हून अधिक देशांतील ग्राहकांना सांगितले होते की, जर त्यांनी त्यांचा पासवर्ड त्यांच्या घराबाहेर कोणाशीही शेअर केला तर त्यांना त्याची किंमत मोजावी लागेल. वॉल्ट डिस्नेच्या या निर्णयाचा वापरकर्त्यांवर सकारात्मक परिणाम होण्याची अपेक्षा आहे. हे वापरकर्त्यांना डिस्ने + हॉटस्टारचा आनंद घेण्यासाठी अधिक पर्याय देईल. तसेच, यामुळे कंपनीला नवीन ग्राहक आकर्षित करण्यास मदत होईल.
Disney+ Hotstar ची भारतातील प्रीमियम वापरकर्त्यांसाठी सर्व उपकरणांवर लॉगिनची संख्या कमी करण्याची योजना आहे. कंपनीने म्हटले आहे की, वर्षाच्या अखेरीस, वापरकर्ते एकाच वेळी फक्त 4 उपकरणांवर लॉग इन करू शकतील. यापूर्वी, वापरकर्ते 10 डिव्हाइसवर लॉग इन करू शकत होते. वीन धोरणाबद्दल सूत्रांकडून समोर येणाऱ्या माहितीनुसार, डिस्ने+ हॉटस्टारने या सेवेची सध्या चाचणी केली आहे आणि वर्षाच्या अखेरीस ही लागू करू शकते. दरम्यान या नवीन मर्यादांमुळे, काही वापरकर्त्यांना त्यांचे स्वतःचे सब्सक्रिप्शन घ्यावे लागेल असे दिसून येत आहे, पण डिस्नेने अद्याप कोणतीही अधिकृत प्रतिक्रिया दिलेली नाही. कंपनीचा विश्वास आहे की यासह वापरकर्त्यांना अधिक फायदा मिळेल आणि ते अधिक गोष्टी पाहू शकतील. या बदलाचा काही वापरकर्त्यांवर नकारात्मक परिणाम होण्याची शक्यता आहे. Media Partners Asia च्या मते, Netflix, Amazon, Jio Cinema आणि Disney Plus Hostar भारतात सर्वाधिक लोकप्रिय आहेत. त्यांच्या मते 2027 पर्यंत त्यात आणखी वाढ होईल. अहवालानुसार, Hotstar प्रीमियम वापरकर्त्यांपैकी 5% लोकांनी 4 पेक्षा जास्त उपकरणांवर लॉग इन केले आहे.
OTT चं मार्केट आणखी वाढणार
मीडिया पार्टनर एशियाने असा विश्वास व्यक्त केला आहे की डिस्ने, नेटफ्लिक्स, अॅमेझॉन आणि जिओ सिनेमाने भारतीय बाजारपेठेत प्रचंड लोकप्रियता मिळवली आहे. 2027 पर्यंत या विभागात आणखी वाढ होऊ शकते. असे मानले जाते की या वर्षापर्यंत हा विभाग 7 डॉलर अब्ज म्हणजेच सुमारे 57,530 कोटी रुपयांपर्यंत पोहोचेल. एका अहवालानुसार, Hotstar प्रीमियम वापरकर्त्यांपैकी 5 टक्के लोकांनी 4 पेक्षा जास्त उपकरणांवर लॉग इन केले होते.