'आम्रपाली'सोबतच्या ब्रेकअपनंतर भज्जी म्हणाला, वेल डन धोनी !

मुंबई : टीम इंडियाचा कर्णधार महेंद्रसिंह धोनीने रियल इस्टेट कंपनी आम्रपाली ग्रुपसोबतचा करार रद्द केल्यानंतर, फिरकीपटू हरभजन सिंहने कौतुक केलं आहे.   हरभजनने ट्विट करून धोनीचं कौतुक केलं आहे. "आम्रपाली बिल्डर्ससोबतचं नातं तोडून धोनी तू चांगलं काम केलं आहेस. 2011 विश्वचषकानंतर त्यांनी आपल्याला घरं देण्याची घोषणा केली होती, मात्र त्यांनी अद्याप दिलेलं नाही", असं ट्विट भज्जीने केलं आहे.

Well done @msdhoni for dropping #Amarpali builders s brand ambassadorship..they didn't gave us VILLAS they announce after 2011 worldcup win

— Harbhajan Singh (@harbhajan_singh) April 16, 2016

  यानंतर एका ट्विटवर प्रतिक्रिया देताना हरभजन म्हणतो, " आम्हाला घरं देण्याची घोषणा हा त्यांचा पब्लिसिटी स्टंट असू शकतो. मात्र किमान ज्यांनी पैसे दिलेत त्यांना तरी घरं द्यायला हवी. "

Atleast they should give them houses who paid..may be announcing a villa for us was a publicity stunt https://t.co/2tfEvkscQj — Harbhajan Singh (@harbhajan_singh) April 16, 2016

  धोनी - आम्रपाली ग्रुपचं ब्रेकअप रियल इस्टेट कंपनी आम्रपाली ग्रुप आणि टीम इंडियाचा कर्णधार महेंद्रसिंह धोनी यांचं  ब्रेक अप झालं आहे. धोनी यापुढे आम्रपाली ग्रुपचा ब्रँड अँबेसेडर नसेल. त्यामुळे धोनी यापुढे आम्रपाली ग्रुपच्या जाहिराती करणार नाही.   आम्रपाली बिल्डरने वेळेत घरं न दिल्याने या घरांच्या जाहिराती करणाऱ्या धोनीविरोधात सोशल मीडियावर मोहिम उघडण्यात आली होती. धोनीने आमची घरं मिळवून द्यावी, अशी मागणी सोशल मीडियावर होत होती. त्यानंतर धोनीने करार संपुष्टात आणला.  

संबंधित बातम्या

धोनी आणि आम्रपाली ग्रुपचं ब्रेकअप !

धोनी आम्हाला घर मिळवून दे, ‘आम्रपाली’च्या ग्राहकांचा तगादा

फसव्या जाहिरातीतील सेलिब्रेटींना 10 लाख दंड आणि तुरुंगवास?

‘सेलिब्रेटींना जबाबदार धरता येणार नाही’, धोनीच्या बचावासाठी किंग खान सरसावला