Vinod Kambli: विनोद कांबळी आर्थिक संकटात, कुटुंबाच्या उदरनिर्वाहासाठी शोधतोय नोकरी

Vinod Kambli's Financial Condition: मास्टर ब्लास्टर सचिन तेंडुलकर यांच्यासह कारकिर्दीची सुरुवात करणाऱ्या माजी क्रिकेटपटू विनोद कांबळीला आर्थिक संकटाचा सामना करावा लागतोय.

Vinod Kambli

Vinod Kambli's Financial Condition: मास्टर ब्लास्टर सचिन तेंडुलकर यांच्यासह कारकिर्दीची सुरुवात करणाऱ्या माजी क्रिकेटपटू विनोद कांबळी आर्थिक संकटाचा सामना करावा लागतोय. एवढेच नव्हे तर, कुंटुबाच्या उदरनिर्वाहरसाठी त्यांच्याकडं पैसे नसून ते नोकरीच्या शोधात आहे. त्यानं स्वत: एका मुलाखतीत सांगितलं आहे. 

मिड डे वृत्तपत्रला दिलेल्या मुलाखतीत विनोद कांबळी म्हणाला की, "मी एक निवृत्त झालेला क्रिकेटपटू आहे आणि पूर्णपणे बीसीसीआयच्या पेन्शनवर अवलंबून आहे. माझ्या उत्पन्नाचा एकमेव स्रोत बीसीसीआय आहे आणि त्यासाठी मी त्यांचा खूप आभारी आहे. याच पैशातून माझ्या कुटुंबाचा खर्च भागवतो. मला नोकरीची गरज आहे. मुंबईनं अमोल मजुमदार यांना मुख्य प्रशिक्षक म्हणून ठेवलंय. परंतु त्यांना माझी गरज असल्यास मी उपलब्ध आहे. मी मुंबईसाठी खेळलो आहे आणि म्हणूनच त्यानं माझ्यासाठी काहीतरी करावं असं मला वाटतं."

सचिनला कांबळीच्या परिस्थितीची कल्पना
"मी मुंबई क्रिकेट असोसिएशनकडं गेलो होतो. मला माझं घर चालवायचं आहे. मी अनेकदा एमसीएला माझी गरज भासल्यास मी येईल, असं म्हणालोय. सचिन तेंडुलकरला माझ्या परिस्थितीची कल्पना आहे. त्यानं या आधीही माझी मदत केलीय. त्याने माझ्याकडे तेंडुलकर मिडलसेक्स ग्लोबल अकॅडमीची जबाबदारी सोपवली होती. तो माझा खूप चांगला मित्र आहे. मी आता त्याच्याकडून मदतीची आशा ठेवत नाही."

विनोद कांबळीची आंतरराष्ट्रीय कारकीर्द
विनोद कांबळीनं आपल्या कारकिर्दीत भारतासाठी 17 कसोटी आणि 104 एकदिवसीय सामने खेळले आहेत. एकदिवसीय क्रिकेटमध्ये त्याच्या 1084 धावा आणि कसोटीत 2477 धावा आहेत. लहानपणी तो सचिनसोबत क्रिकेट खेळायचा. त्यानं आपल्या कारकिर्दीची सुरुवातही दमदार पद्धतीनं केली. पण नंतर तो आपला फॉर्म कायम राखू शकला नाही आणि संघाबाहेर गेला.

याप्रकरणात झाली होती अटक
यावर्षी मार्च महिन्यात विनोद कांबळीला अटक केल्याची बातमी समोर आली होती. त्यानं 2 मार्च 2022 रोजी मुंबईतल्या त्याच्या कारच्या सोसायटीच्या गेटला कारनं धडक दिली होती. याच आरोपांखाली त्याला अटक करण्यात आली. या अटकेनंतर त्याची जामिनावरही सुटका करण्यात आली. विनोद कांबळीची त्या दिवसाची अवस्था दाखवणारा व्हिडीओ सोशल मीडियावर प्रचंड व्हायरल झाला होता.

हे देखील वाचा-