क्रिकेटचा विजय झाला, आता अन्य खेळांचाही होऊदे : जस्टिस लोढा

मुंबई: सुप्रीम कोर्टाने भारतीय क्रिकेट बोर्डाबाबत दिलेला निर्णय हा क्रिकेटचा विजय आहे, अशी प्रतिक्रिया न्यायमूर्ती लोढा यांनी दिली. तसंच सर्वोच्च न्यायालयानं दिलेला आदेश हा इतर क्रीडा संघटनांनाही लागू व्हायला हवा असं मत लोढा यांनी मांडलं आहे.

लोढा समितीच्या दहा प्रमुख शिफारशी

लोढा समितीच्या शिफारशींमुळेच बीसीसीआय अध्यक्ष अनुराग ठाकूर यांची विकेट पडली. त्यांना अध्यक्षपदावरून तर अजय शिर्के यांना सचिवपदावरुन हटवण्याचे आदेश सुप्रीम कोर्टाने दिले.

याबाबत न्यायमूर्ती लोढा म्हणाले,

"प्रशासक येतील आणि जातील, पण कोर्टाचा हा निर्णय क्रिकेटसाठी फायद्याचा आहे,

सर्वोच्च न्यायालयाचा आजचा निकाल हा क्रिकेटचा विजय आहे".  

अशी प्रतिक्रिया न्यायमूर्ती लोढा यांनी दिली आहे.

तसंच सर्वोच्च न्यायालयानं 18 जुलैला दिलेल्या आदेशाचं पालन व्हायलाच हवं होतं, असंही लोढा यांनी स्पष्ट केलंय. सर्वोच्च न्यायालयानं दिलेला आदेश हा इतर क्रीडा संघटनांनाही लागू व्हायला हवा असं मत लोढा यांनी मांडलं आहे.

#WATCH: Victory for cricket, administrators come & go but ultimately its for the game's benefit says Justice Lodha on Thakur/Shirke removal pic.twitter.com/mmic3v09zx

— ANI (@ANI_news) January 2, 2017

BCCI अध्यक्ष अनुराग ठाकूरांची विकेट, अध्यक्षपदावरुन आऊट!

लोढा समितीने बीसीसीयमधील मोठ्या विकेट्स घेतल्या आहे. सुप्रीम कोर्टाने अनुराग ठाकूर यांना बीसीसीआयच्या अध्यक्षपदावरुन हटवलं आहे. याशिवाय बीसीसीआयचे सचिव अजय शिर्के यांनाही आऊट केलं आहे. सर्वोच्च न्यायालयाच्या आदेशाचं पालन करण्यात दोघांनाही अपयश आल्याने न्यायमूर्तींनी दोघांवर ताशेरे ओढले आहेत. तसंच खोटी साक्ष दिल्याप्रकरणी अनुराग ठाकूर यांच्यावर अवमानाचा खटलाही चालणार आहे. सर्वोच्च न्यायालयाने ठाकूर यांना आपली भूमिका मांडण्यासाठी अवधीही आहे. 18 जुलैला झालेल्या सुनावणीत सर्वोच्च न्यायालयानं लोढा समितीच्या शिफारशी स्वीकारण्याचा आदेश बीसीसीआयला दिला होता. पण बीसीसीआय आणि राज्य क्रिकेट संघटनांच्या पदाधिकाऱ्यांनी त्या आदेशाची अंमलबजावणी केलेली नसल्याचं कोर्टानं नमूद केलं. तसंच बीसीसीआयचा कारभार कुणाच्या हाती सोपवायचा याचा निर्णय घेण्यासाठी ज्येष्ठ कायदेतज्ज्ञ फली नरिमन आणि गोपाल सुब्रमण्यम यांची नियुक्ती केली आहे. या प्रकरणी पुढील सुनावणी 19 जानेवारीला होईल.  संबंधित बातम्या

BCCI अध्यक्ष अनुराग ठाकूरांची विकेट, अध्यक्षपदावरुन आऊट!

लोढा समितीच्या दहा प्रमुख शिफारशी

शरद पवार यांचा MCA च्या अध्यक्षपदाचा राजीनामा

लोढा समितीच्या प्रमुख शिफारशी बीसीसीआयला अजूनही अमान्य

'बीसीसीआयच्या पदाधिकाऱ्यांना हटवा', लोढा समितीचा सुप्रीम कोर्टाकडे अर्ज