भारताच्या इंग्लंड दौऱ्याचं वेळापत्रक जाहीर

या दौऱ्याची सुरूवात पुढील वर्षी 3 जुलैला होणाऱ्या टी-20 सामन्यांपासून होईल. त्यानंतर 12 ते 17 जुलै या कालावधीत वन डे सामने खेळवण्यात येतील.

फाईल फोटो

मुंबई : भारताच्या पुढील वर्षीच्या इंग्लंड दौऱ्याचं वेळापत्रक निश्चित झालं आहे. या दौऱ्यात भारत इंग्लंडविरूद्ध तीन टी-20, तीन वन डे आणि पाच कसोटी सामन्यांची मालिका खेळणार आहे. इंग्लंड आणि वेल्स क्रिकेट बोर्डानं नुकतीच याबाबतची घोषणा केली आहे. या दौऱ्याची सुरूवात पुढील वर्षी 3 जुलैला होणाऱ्या टी-20 सामन्यांपासून होईल. त्यानंतर 12 ते 17 जुलै या कालावधीत वन डे सामने खेळवण्यात येतील. 1 ऑगस्ट ते 11  सप्टेंबर 2018 या दरम्यान पाच कसोटी सामन्यांची मालिका पार पडेल. भारताच्या 2018च्या इंग्लंड दौऱ्याचं वेळापत्रक:   टी-20 मालिका 3 जुलै -  पहिला टी- ट्वेंटी सामना  - ओल्ड ट्रॅफोर्ड 6 जुलै -  दुसरा टी- ट्वेंटी सामना  -  सोफिया गार्डन 8 जुलै -  तिसरा टी- ट्वेंटी सामना -  काऊंटी ग्राऊंड   वन डे मालिका 12 जुलै -  पहिला वन डे सामना - टेंट ब्रिज 14 जुलै -  दुसरा वन डे सामना - लॉर्डस 17 जुलै -  तिसरा वन डे सामना - हेडिंग्ले   कसोटी मालिका 1 ते 5 ऑगस्ट -  पहिला कसोटी सामना – एजबेस्टन 9 ते 13 ऑगस्ट -  दुसरा कसोटी सामना -  लॉर्डस 18 ते 22 ऑगस्ट -  तिसरा कसोटी सामना - टेंट ब्रिज 30 ऑगस्ट ते 3 सप्टे. -  चौथा कसोटी सामना – रोज बाउल 7 ते 11 सप्टे. -  पाचवा कसोटी सामना - ओव्हल