एनडब्ल्यूई पक आणि पोच डॉर्प संघांत शनिवारी खेळवण्यात आलेल्या 50-50 षटकांच्या सामन्यात डॅड्सवेलनं हा विक्रम साजरा केला. योगायोगाची बाब म्हणजे शनिवारी त्याचा विसावा वाढदिवस होता.
एनडब्ल्यूई पककडून खेळताना डॅड्सवेलनं 151 चेंडूंत 27 चौकार आणि 57 षटकारांसह 490 धावांची खेळी उभारली. त्यामुळेच एनडब्ल्यूई पक क्लबला 50 षटकांत तीन बाद 677 धावांचा डोंगर उभारता आला.
पोच डॉर्पला या सामन्यात 50 षटकांत नऊ बाद 290 धावांची मजल मारता आली. त्यामुळे एनडब्ल्यूई पक क्लबनं हा सामना 387 धावांनी जिंकला.