VIDEO: अंपायरचा चुकीचा निर्णय, रोहित शर्मा वैतागला

मुंबई: मुंबई इंडियन्सचा कर्णधार रोहित शर्मा दुखापतीतून सावरत आयपीएलमध्ये परतला आहे. मात्र अद्याप त्याला मोठी खेळी करता आलेली नाही. रोहितने पुणे सुपरजायंटविरुद्धच्या पहिल्या सामन्यात अवघ्या 3 धावा केल्या, तर कालच्या कोलकाता नाईट रायडर्सविरुद्ध 2 धावाच करुन माघारी परतला. मात्र कोलकाताविरुद्धच्या सामन्यात पंचांच्या चुकीच्या निर्णयाचा फटका त्याला बसला. दहाव्या षटकात सुनील नरेनने रोहित शर्मा पायचीत बाद असल्याची अपील केली. त्यावेळी अंपायर सी के नंदन यांनीही तातडीने त्याला आऊट दिलं. मात्र चेंडू पायावर आदळण्यापूर्वी बॅटला लागल्याचं रिप्लेमध्ये स्पष्ट दिसत होतं. त्यामुळेच रोहित शर्मा अंपायरवर खूपच संतापला. VIDEO:

मुंबईचा घरच्या मैदानावर 4 विकेट्सने विजय!

रोहित शर्माच्या मुंबई इंडियन्सनं वानखेडेवरच्या आयपीएल सामन्यात कोलकाता नाईट रायडर्सवर चार विकेट्सनी थरारक विजय मिळवला. या सामन्यात मुंबई इंडियन्सला अखेरच्या षटकात विजयासाठी 11 धावांची आवश्यकता होती. पण  हार्दिक पंड्यानं कमाल केली. त्यानं हरभजनसिंगच्या साथीनं मुंबईला एक चेंडू राखून सनसनाटी विजय मिळवून दिला. मुंबईने कोलकात्याचं 179 धावांचं आव्हान 6 विकेट्सच्या मोबदल्यात पार केलं.