मायकल फेल्प्सची 27व्या ऑलिम्पिक पदकाची कमाई

रिओ दी जानेरो : अमेरिकेचा विश्वविक्रमवीर जलतरणपटू मायकल फेल्प्सने रिओ ऑलिम्पिकमध्ये आणखी एका पदकाची कमाई केली. मायकल फेल्प्सने 100 मीटर बटरफ्लाय प्रकारात रौप्यपदक पटकावलं. मायकल फेल्प्सचं ऑलिम्पिकमधलं हे 27वं पदक ठरलं.   फेल्प्सने 51.14 सेकंदाची वेळ नोंदवून रौप्यपदक जिंकल. पण विशेष म्हणजे या स्पर्धेत फेल्प्ससह दक्षिण आफ्रिकेच्या चॅड ली क्लोज आणि हंगेरीच्या लासल्सो सेह यांनीही 51.14 सेंकदाचीच वेळ नोंदवली. त्यामुळे या तिघांनीही रौप्यपदकावर आपलं नाव कोरलं.   दरम्यान सिंगापूरच्या जोसेफ स्कूलिंगने 50.39 सेंकदाची वेळ नोंदवून नवा ऑलिम्पिक विक्रम रचला आणि सुवर्णपदकाची कमाई केली. महत्त्वाचं म्हणजे सिंगापूरचं हे पहिलंच सुवर्णपदक ठरलं आहे.