LSG vs MI, IPL 2023 Eliminator Live: लखनौ आणि मुंबई यांच्यात लढत, लाईव्ह अपडेट एका क्लिकवर
LSG vs MI Eliminator Live : मुंबई आणि लखनौ यांच्यामध्ये चेपॉक स्टेडिअमवर सामना रंगणार आहे...
आकाश मधवालच्या भेदक माऱ्यापुढे लखनौच्या संघाची दाणादाण उडाली. मुंबईने दिलेल्या 183 धावांच्या आव्हानाचा पाठलाग करताना लखनौचा संघ 16.3 षटकात 101 धावांत गारद झाला. लखनौकडून मार्कस स्टॉयनिस याने एकाकी झुंज दिली. मार्कस स्टॉयनिस याने 40 धावांची खेळी केली. मुंबईकडून आकाश मधवाल याने पाच फलंदाजांना तंबूत धाडले.
मुंबईचा लखनौवर दणदणीत विजय
मधवालचा पावर पंच
लखनौला नववा धक्का. दीपक हुड्डा
मुंबईच्या गोलंदाजीपुढे लखनौच्या फलंदाजांची दाणादाण उडाली
पावरप्लेमध्ये लखनौची सन्मानजनक सुरुवात झाली आहे. सहा षटकानंतर दोन बाद 54 धावा...
लखनौला दुसरा धक्का.. कायल मेयर्स 18 धावांवर बाद
लखनौला पहिला धक्का बसलाय... प्रेरक मांकड बाद झदालाय.
मुंबईला सातवा धक्का बसलाय.. ख्रिस जॉर्डन बाद झालाय.
तिलक वर्मा बाद... मुंबईचा सहावा धक्का
मुंबईचा अर्धा संघ तंबूत.. डेविड 13 धावांवर बाद
मुंबईला चौथा धक्का... कॅमरुन ग्रीन बाद
मुंबईला तिसरा धक्का बसलाय.... सूर्यकुमार यादव बाद
मुंबईच्या 100 धावा पूर्ण झाल्या.. सूर्या आणि ग्रीन यांची जोडी जमली
मुंबईला दुसरा धक्का बसलाय.. इशान किशन बाद.. 15 धावांवर इशान तंबूत परतला
मुंबईला पहिला धक्का बसलाय. कर्णधार रोहित शर्मा बाद झालाय
मुंबईचा कर्णधार रोहित शर्मा याने नाणेफेक जिंकून प्रथम फलंदाजी करण्याचा निर्णय घेतला आहे. चेपॉक मैदानावर कृणाल पांड्याच्या नेतृत्वातील लखनौ संघ प्रथम गोलंदाजी करण्यासाठी मैदानात उतरणार आहे. करो या मरोच्या सामन्यात कोण बाजी मारणार ? याकडे सर्वांचे लक्ष लागलेय. मुंबई आणि लखनौ यांच्यातील विजेता संघ गुजरातसोबत क्वालिफायर 2 मध्ये अहमदाबाद येथे खेळणार आहे.
मुंबईची प्रथम फलंदाजी
मुंबईने नाणेफेक जिंकली
इंडियन प्रीमियर लीगमध्ये (Indian Premier League) मुंबई इंडियन्स (MI) आणि लखनौ सुपर जायंट्स (LSG) संघ एकूण तीन सामन्यांमध्ये आमनेसामने आले आहेत. यामध्ये लखनौ संघाचं पारड जड आहे. आयपीएलमध्ये मुंबई विरुद्ध लखनौ तिन्ही सामन्यांध्ये सुपर जायंट्सने 'पलटन'चा पराभव केला आहे.
पार्श्वभूमी
IPL 2023 Eliminator, MI vs LSG: आज इंडियन प्रीमियर लीगच्या (Indian Premier League) सोळाव्या हंगामातील पहिला एलिमिनेटर (IPL 2023 Eliminator) सामना खेळवला जाणार आहे. या सामन्यात पाच वेळा चॅम्पियन मुंबई इंडियन्स (Mumbai Indians) आणि दुसऱ्यांदा प्लेऑफमध्ये (IPL 2023 Playoffs) पोहोचलेल्या लखनौ सुपर जायंट्स (Lucknow Super Giants) या दोन संघात लढत पाहायला मिळणार आहे. मुंबई इंडियन्स (MI) त्यांच्या शेवटच्या साखळी सामन्यात सनरायझर्स हैदराबादवर दणदणीत विजय मिळवून आयपीएल 2023 (IPL 2023) च्या प्लेऑफमध्ये प्रवेश मिळवला. चेन्नईच्या एम चिदंबरम स्टेडियमवर म्हणजेच चेपॉक स्टेडिअमवर (Chepauk Stadium) आज, 24 मे रोजी एलिमिनेटरमध्ये मुंबई इंडियन्स (MI) संघाला लखनौ सुपर जायंट्स (LSG) संघाचं आव्हान असेल.
MI vs LSG Head to Head : मुंबई आणि लखनौ, हेड टू हेड आकडेवारी
इंडियन प्रीमियर लीगमध्ये (Indian Premier League) मुंबई इंडियन्स (MI) आणि लखनौ सुपर जायंट्स (LSG) संघ एकूण तीन सामन्यांमध्ये आमनेसामने आले आहेत. यामध्ये लखनौ संघाचं पारड जड आहे. आयपीएलमध्ये मुंबई विरुद्ध लखनौ तिन्ही सामन्यांध्ये सुपर जायंट्सने 'पलटन'चा पराभव केला आहे.
मुंबई आणि लखनौ आमने-सामने
पाच वेळा आयपीएल विजेता मुंबई इंडियन्स संघाचा मागील काही सामन्यांतील फॉर्म पाहता त्यांचा उत्साह कायम आहे. गेल्या सामन्यात कॅमेरॉन ग्रीनने शानदार शतक ठोकलं तर कर्णधार रोहित शर्माही फॉर्ममध्ये परतला. मुंबई इंडियन्सची गोलंदाजी ही सध्या चिंतेची बाब आहे. यासाठी मुंबई काय रणनिती आखणार हे पाहावं लागेल.
लखनौ सुपर जायंट्स संघही यंदा चांगल्या फॉर्ममध्ये दिसत आहे. सलामीवीर क्विंटन डी कॉकची चमकदार कामगिरी पाहायला मिळाली आहे. त्याशिवाय मार्कस स्टॉइनिस आणि निकोलस पूरन यांनीही दमदार कामगिरी करत अनेक सामने जिंकले आहेत. लखनै संघाचा विजय या सुरुवातीच्या फळीवर अवलंबून आहे. तसेच अमित मिश्रा आणि रवी बिश्नोई यांच्या गोलंदाजीवरही लक्ष असेल.
IPL 2023 : कधी आणि कुठे होणार सामना?
मुंबई इंडियन्स (MI) आणि लखनौ सुपर जायंट्स (LSG) यांच्यात आज 24 मे रोजी सामना रंगणार आहे. हा सामना चेन्नईतील एमए चिदंबरम स्टेडिअम म्हणजेच चेपॉक स्टेडिअमवर (Chepauk Stadium) संध्याकाळी 7.30 वाजता रंगणार आहे. संध्याकाळी 7 वाजता नाणेफेक होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 (IPL 2023) च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
- - - - - - - - - Advertisement - - - - - - - - -