Pat Cummins- Mavi Catch: आयपीएलच्या पंधराव्या हंगामात आतपर्तंत सर्व संघाचे सहा-सहा सामने झाले आहेत. या हंगामातील 30 व्या सामना राजस्थान रॉयल्स आणि कोलकाता नाईट रायडर्स (KKR vs RR) यांच्यात काल (18 एप्रिल) खेळण्यात आला. या सामन्यात राजस्थाननं कोलकात्यावर सात धावांनी विजय मिळवला. या सामन्यात राजस्थानचा सलामीवीर जोस बटलरनं तुफानी खेळी केली. मात्र, कोलकाताचा वेगवान गोलंदाज पॅट कमिन्स (Pat Cummins) आणि शिवम मावी (Shivam Mavi) यांच्या झेलची सर्वत्र चर्चा रंगली आहे. त्यांनी पकडलेल्या झेलचा व्हिडिओ सोशल मीडियावर प्रचंड व्हायरल होताना दिसत आहे.


राजस्थानच्या डावाच्या 18व्या षटकात हा झेल पकडण्यात आला. या षटकात कोलकात्याचा फिरकीपटू सुनील नारायण गोलंदाजी करण्यासाठी आला. त्यावेळी राजस्थानचा रियान पराग फलंदाजी करत होता. नारायणच्या गोलंदाजीवर रियान परागनं लाँग ऑफच्या दिशेनं षटकार मारण्याचा प्रयत्न केला. परंतु, पॅट कमिन्सनं चेंडू सीमारेषा ओलांडण्यापूर्वी पकडला. मात्र, त्याचा तोल बिघडल्यानं त्यानं हुशारी दाखवत चेंडू शिवम मावीच्या दिशेनं फेकला. शिवम मावी तो चेंडू पकडला. ज्यामुळं रियान परागला पॅव्हेलियनमध्ये परतावं लागलं. आता या झेलचा व्हिडिओ सोशल मीडियावर व्हायरल होत आहे.


व्हिडिओ-



कोलकात्यानं सात धावांनी सामना गमावला
मुंबईच्या ब्रेबॉर्न स्टेडिअमवर खेळण्यात आलेल्या सामन्यात राजस्थान रॉयल्सनं कोलकाता नाईट रायडर्सला 7 धावांनी पराभूत केलंय. या सामन्यात नाणेफेक जिंकून कोलकाताच्या संघानं प्रथम गोलंदाजी करण्याचा निर्णय घेतला. त्यानंतर प्रथम फलंदाजी करण्यासाठी मैदानात आलेल्या राजस्थानच्या संघानं 20 षटकात 5 विकेट्स गमावून 217 धावा केल्या. प्रत्युरात कोलकात्याच्या संघ 210 धावांवर आटोपला.


हे देखील वाचा-