Jos Buttler : 'हा भारतीय माझ्यासोबत सलामीला सर्वात बेस्ट', आयपीएल गाजवणाऱ्या बटलरनं घेतलं कुणाचं नाव?

IPL 2022 : यंदाच्या आयपीएलमध्ये दोन शतकं झळकावत बटलर दमदार कामगिरी करत आहे.

jos buttler

IPL 2022 : आयपीएल  2022(IPL 2022) अगदी चुरशीत सुरु आहे. स्पर्धेत काही खेळाडू कमाल करताना देखील दिसत आहे. यामध्ये जोस बटलर, युझवेंद्र चहल, हार्दिक पंड्या अशा काही खेळाडूंचा समावेश आहे. आतापर्यंत सर्वाधिक धावा बटलरने केल्या असून त्याने दोन शतकंही झळकावली आहेत. दरम्यान बटलरने (Jos Buttler) आपल्या या कामगिरीनंतर त्याला सलामीवीराच्या भूमिकेत जाताना सोबत कोणता खेळाडू असल्यास अधिक आवडेल याचाही उल्लखे केला आहे.

सध्याच्या क्रिकेटमध्ये जोसला सोबत रोहित शर्मा (Rohit Sharma) असल्यास अधिक आवडेल. त्याच्यासोबत सलामीला उतरण्याची बटलरची इच्छा असल्याचं तो म्हणाला आहे. त्याने ईएसपीएन क्रिकइन्फोशी बोलताना ही प्रतिक्रिया दिली आहे.  यावेळी सूर्यकुमार यादवबाबत (Suryakumar Yadav) बोलताना जोस म्हणाला, सूर्या भारतीय क्रिकेटपटूंमध्ये सर्वात बेस्ट स्कूप शॉट खेळतो.

जोस बटलरचं विक्रमी शतक

कोलकाताविरुद्ध जोस बटलरनं 59 चेंडूत आयपीएलच्या पंधराव्या हंगामातील दुसरं शतक ठोकलं. ज्यात 9 षटकार आणि 5 चौकारांचा समावेश आहे. यादरम्यान त्याचा स्ट्राइकरेट 172.88 होता. यानंतर जोस बटलर आयपीएलमध्ये तीन किंवा त्याहून अधिक शतक ठोकणारा सहावा खेळाडू ठरला आहे. याआधी ख्रिस गेल, विराट कोहली, डेव्हिड वॉर्नर, शेन वॉटसन आणि संजू सॅमसन यांनी तीन किंवा त्याहून अधिक शतके झळकावली आहेत. गेल- 6, विराट कोहली- 5, डेव्हिड वॉर्नर- 4, वॉटसन- 4 आणि संजू सॅमसननं 3 शतके केली आहेत. 

हे देखील वाचा-