IPL : चीअर लीडर्सची आयपीएलमधील कमाई ऐकाल तर हैराण व्हाल
IPL 2024 Cheerleaders Income : प्रत्येक सामन्यावेळी प्रेक्षकांचे मनोरंजन करणाऱ्या चीअरलीडर्सला किती मानधन मिळते? याबाबत तुम्हाला काही माहितेय का?
IPL 2024 Cheerleaders Income : आयपीएलच्या 17 व्या पर्वाला (IPL 2024) दिमाखात सुरुवात झाली आहे. चेन्नई आणि आरसीबी (CSK vs RCB) यांच्यातील सामन्याने स्पर्धेला दिमाखात सुरुवात झाली. जगातील सर्वात मोठी क्रिकेट लीग म्हणून आयपीएलची (IPL) नेहमीच चर्चा असते. खेळाडूंवर येथे कोट्यवधींची बोली लागते. त्यामुळे जगभरातील क्रिकेटपटू येथे आपले नशीब अजमावतात... जगभरातील प्रसिद्ध क्रिकेटपटूंपासून ते स्पॉन्सर्स आणि फ्रेंचायझी म्हणून मोठमोठाले उद्योगपती या लीगशी संबंधित आहेत. प्रत्येक सामन्यावेळी प्रेक्षकांचे मनोरंजन करणाऱ्या चीअरलीडर्सला किती मानधन मिळते? याबाबत तुम्हाला काही माहितेय का?
आयपीएलमध्ये प्रेक्षकांचे मनोरंजन करणाऱ्या काही चीअरलीडर्स या भारतीय आहेत, पण बहुतांश चीअरलीडर्स या विदेशी आहेत. या चीअरलीडर्सचा पगार किती? एका दिवसात त्या किती रुपये कमवतात? याबद्दल तुम्हाला माहितेय का? पाहूयात त्याबद्दल. मीडिया रिपोर्ट्सनुसार, चीअर लीडर्सना एका सामन्यासाठी 12 ते 20 हजार रुपये दिले जातात. त्याशिवाय त्यांच्या परफॉर्मनुसार विशेष बोनसही दिला जाते.
मीडिया रिपोर्ट्सनुसार, आयपीएलसाठी प्रत्येक संघ चीअर लीडर्सबरोबर करार करतो. आयपीएलच्या प्रत्येक सामन्यानुसार चीअर लीडर्सला सरासरी 12 ते 20 हजार रुपयांचे मानधन दिले जाते. चेन्नई, पंजाब, हैदराबाद, दिल्ली या संघाकडून चीअरलीडर्सला प्रत्येक सामन्यागणिक 12 हजार रुपये दिले जातात. राजस्थानकडून 14 ते 15 हजार रुपये दिले जातात. तर मुंबई आणि आरसीबी या संघाकडून प्रत्येक सामन्यानंतर 20 हजार रुपये दिले जातात. केकेआरकडून सर्वाधिक 22 हजार रुपये प्रत्येक सामन्यानंतर दिले जातात.
याचाही लाभ
प्रत्येक सामन्याशिवाय चीअरलीडर्सला इतर मानधनही दिले जाते. हे मानधन त्यांच्या कामगिरीच्या आधारवर असते. एखादा संघ जिंकला तर त्यांना बोनस दिला जातो. त्याशिवाय चैनीच्या वस्तू आणि खाद्यपदार्थ इत्यादींचा लाभ फ्रेंचायझीकडून मिळतो. एखादा संघ फायनलपर्यंत पोहोचला तर वेगळा बोनस दिला जातो. मॅच झाल्यानंतर किंवा त्याच्या आधी होणाऱ्या पार्टीमध्ये गेल्यास त्यांना अधिकची कमाई करता येते.
चीअर लीडर्सची निवड कशी होते ?
आयपीएलमध्ये चीअर लीडर्सचे काम अथवा नोकरी सहजासहजी मिळत नाही. त्यासाठी काही अटी आणि शर्ती आहेत. आयपीएल चीअरलीडरला डान्स, मॉडेलिंग आणि गर्दीसमोर परफॉर्म करण्याचा अनुभव असणे आवश्यक आहे. त्याशिवाय चीअर लीडर्सला आपले शरीर लवचीक ठेवावे लागते. फक्त डान्स करून चालत नाही तर संघातील खेळाडूंना, चाहत्यांना प्रोत्साहन कसे देता येईल, याचा विचारही त्यांना करावा लागतो.
महत्त्वाच्या बातम्या
ट्रेंडिंग न्यूज
