IPL Auction 2022 : आयपीएलच्या 2022 हंगामाचा लिलाव सुरु झाला आहे. या लिलावाच्या ठिकाणी अभिनेता शाहरूख खानच्या (Shah Rukh Khan) मुलगा आर्यन खान (Aryan Khan) आणि मुलगी सुहाना खान (Suhana Khan) यांनी हजेरी लावली आहे. तसेच त्यांच्यासोबतच अभिनेत्री जुही चावलाची ( Juhi Chawla) मुलगी जान्हवी मेहता (Jhanvi Mehta) ही देखील हजर आहे. अभिनेता शाहरूख खान हा आयपीएलमधील कोलकाता नाईट रायडर्स (Kolkata Knight Riders) या  टीमचा मालक आहे तर जुही देखील या टीमची को- ओनर आहे. 


आयपीएलच्या ट्वीटर अकाऊंटवरून शेअर करण्यात आलेल्या फोटोमध्ये आर्यन आणि सुहाना हे केकेआर या टीमच्या इतर व्यवस्थापकीय सदस्यांसोबत बसलेले दिसत आहेत. आर्यन हा कोलकाता नाईट रायडर्स टीमच्या व्यवस्थापकीय सदस्यांसोबत चर्चा करत आहे. तसेच कोलकाता नाईट रायडर्स या टीमच्या ट्विटर अकाऊंटवरून देखील आर्यन आणि सुहानाचे फोटो शेअर करण्यात आले आहेत.  






सुहानाही उच्च शिक्षण घेण्यासाठी न्यूयॉर्कला गेली होती. काही दिवसांपूर्वीच ती मुंबईमध्ये परत आली आहे. सुहाना लवकरच बॉलिवूडमध्ये पदार्पण करणार आहे, असं म्हटलं जात आहे. तर गेली काही दिवस ड्रग्स प्रकरणामुळे शाहरूखचा मुलगा आर्यन खान हा चर्चेत होता.


संबंधित बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha