RCB vs LSG, IPL 2023 RCB Fans Crying : एम चिन्नास्वामी स्टेडिअवर लखनौने अखेरच्या चेंडूवर आरसीबीचा पराभव करत थरारक विजय मिळवला. आरसीबीने प्रथम फलंदाजी करताना दोन विकेटच्या मोबदल्यात 212 धावांचा डोंगर उभारला होता. प्रत्युत्तरदाखल लखनौने अखेरच्या चेंडूवर एक विकेट राखून थरारक विजय मिळवला. अखेरच्या चेंडूवरपर्यंत रंगलेल्या या सामन्यात चांहत्याचा श्वास रोखला होता. प्रत्येक चेंडूनंतर चाहत्यांची धडधड वाढत होती. आरसीबीच्या चाहते प्रत्येक चेंडूनंतर उत्साही असल्याचे दिसत होते. या सामन्यात लखनौने बाजी मारली. आरसीबीच्या चाहत्यांचे हृदय तुटले... त्यांच्या आपेक्षांचा भंग झाला.. आरसीबीचा पराभव दिसताच अनेकांच्या डोळ्यातून अश्रू वाहू लागले होते. ते ढसाढसा रडले.. या प्रसंगाचे व्हिडीओ आणि फोटो सोशल मीडियावर व्हायरल होत आहेत. मार्कस स्टॉयनिस बाद झाल्यानंतर अनुष्का शर्मा आनंदात होती. पण त्यानंतर निकोलस पूरन फटकेबाजी करत होता तेव्हा मात्र तिचा चेहरा पडला. अनुष्काच्या डोळ्यातही अश्रू तरळत होते. तिने आपला हुंदका रोखला... पण चाहत्यांना रडू कोसळले...
लखनौला अखेरच्या षटकात पाच धावांची गरज होती. आरसीबीकडून अखेरचे षटकाची जबाबदारी हर्षल पटेल याच्यावर होते. जयदेव उनादकट याने पहिल्याच चेंडूवर एक धाव घेतली. दुसऱ्या चेंडूवर हर्षल पटेल याने मार्क वूड याला तंबूत पाठवले. तिसऱ्या चेंडूवर रवी बिश्नोई याने दोन धावा घेत सामना पुन्हा पलटवला. चौथ्या चेंडूवर बिश्नोई याने एक धाव घेतली. धावसंख्या बरोबर झाली होती. सामना लखनौकडे झुकला होता. पण हर्षल पटेल याने जयदेव उनादकट याला बाद करत पुन्हा रंगत वाढवली. आता लखनौला विजयासाठी एका चेंडूवर एका धावेची गरज होती. आवेश खान फलंदाजी करत होता. हर्षल पटेलचा चेंडू आवेश खानच्या बॅटला लागला नाही, पण बायच्या स्वरुपात एक धाव घेण्यात फलंदाजांना यश मिळाले. पण निकोलस पूरन चौकार षटकार मारत होता, तेव्हा आरसीबीच्या चाहत्यांचा बांध सुटला.. अनेकांना रडू कोसळले.. याचे फोटो सोशल मीडियावर व्हायरल होत आहेत.