MI vs GT Match Preview : वडापाव की ढोकळा; मुंबई विरुद्ध गुजरात लढत, कुणाचं पारड जड? हेड टू हेड आकडेवारी पाहा...

GT vs MI IPL 2023 Match 32 Prediction : आयपीएल 2023 च्या आज मुंबई इंडियन्स (Mumbai Indians) आणि गुजरात टायटन्स (Gujarat Titans) या दोन संघामध्ये लढत पाहायला मिळणार आहे.

MI vs GT Match Preview : आयपीएल 2023 मध्ये (IPL 2023) आज मुंबई इंडियन्स (Mumbai Indians) आणि गुजरात टायटन्स (Gujarat Titans) या दोन संघांमध्ये लढत पाहायला मिळणार आहे. 16 व्या हंगामातील 35 वा सामना आज, 25 एप्रिलला गुजरातच्या घरच्या मैदानावर हा सामना रंगणार आहे. अहमदाबादच्या नरेंद्र मोदी  स्टेडिअमवर (Narendra Modi Stadium) संध्याकाळी 7.30 वाजता हा सामना खेळवला जाणार आहे. गुणतालिकेत चौथ्या क्रमांकाचा संघ गुजरात आणि सातव्या क्रमांकाचा संघ मुंबई इंडियन्स यांच्यात आज सामना रंगणार आहे.

IPL 2023, MI vs GT : मुंबई विरुद्ध गुजरात लढत

गतविजेते गुजरात टायटन्स (GT) आज 25 एप्रिल रोजी अहमदाबादच्या नरेंद्र मोदी स्टेडियमवर पाच वेळा विजेत्या मुंबई इंडियन्स (MI) विरुद्ध लढण्यासाठी सज्ज आहेत. यजमान गुजरात संघाने हार्दिक पांड्याच्या नेतृत्वाखालील सहा सामन्यांपैकी चार विजय नोंदवून हंगामाची सुरुवात चांगली केली आहे. गुजरात संघ सध्या आयपीएल 2023 गुणतालिकेमध्ये चौथ्या क्रमांकावर आहे. तर पाहुण्या मुंबई इंडियन्स संघाने पहिल्या सहा सामन्यांपैकी तीन सामने जिंकले तर तीन सामने गमावले आहेत. मुंबईं संघ पॉईंट्स टेबलमध्ये सातव्या क्रमांकावर आहे

GT vs MI Head To Head : हेड टू हेड आकडेवारी

इंडियन प्रीमियर लीग (Indian Premier League) मध्ये गुजरात (GT) आणि मुंबई (MI) या संघांमध्ये आतापर्यंत एकच सामना खेळवण्यात आला आहे. या सामन्यामध्ये मुंबई संघाने विजय मिळवला होता. आयपीएल 2022 मध्ये मुंबई आणि गुजरात संघ पहिल्यांदा आमने-सामने आले होते आणि हा सामना मुंबईने पाच धावांनी जिंकला होता.

IPL 2023 : कधी आणि कुठे होणार सामना?

गुजरात टायटन्स (Gujarat Titans) आणि मुंबई इंडियन्स (Mumbai Indians) या दोन संघामध्ये 25 एप्रिलला लढत पाहायला मिळणार आहे. हा सामना अहमदाबादच्या नरेंद्र मोदी स्टेडिअमवर संध्याकाळी 7.30 वाजता रंगणार आहे. संध्याकाळी 7 वाजता नाणेफेक होईल.

IPL 2023 Live Streaming : लाईव्ह सामना कुठे पाहाल?

आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.

महत्त्वाच्या इतर बातम्या :