PBKS vs DC, Match Live Updates : दिल्लीनं सामना जिंकला, पंजाबचा 17 धावांनी पराभव
आयपीएलमध्ये (IPL 2022) आज पंजाब किंग्स आणि दिल्ली कॅपिटल्स या संघामध्ये नवी मुंबईच्या डी.वाय. पाटील मैदानात पार पडणार आहे.
दिल्लीच्या भेदक गोलंदाजीसमोर पंजाबच्या फलंदाजांनी गुढघे टेकले. दिल्लीकडून शार्दूल ठाकूर (Shardul Thakur) उत्कृष्ट गोलंदाजी केली. ज्यामुळं अतितटीच्या सामन्यात दिल्लीच्या संघानं 17 धावांनी विजय मिळवला. या सामन्यात नाणेफेक जिंकून पंजाबच्या संघानं प्रथम गोलंदाजी करण्याचा निर्णय घेतला. त्यानंतर दिल्लीच्या संघानं 20 षटकात सात विकेट्स गमावून पंजाबसमोर 160 धावांचं लक्ष्य ठेवलं. प्रत्युत्तरात पंजाबच्या संघाला 20 षटकात 142 धावाचं करता आल्या. पंजाबकडून जितेश शर्मानं (Jitesh Sharma) सर्वाधिक 44 धावांची खेळी केली.
दिल्लीच्या भेदक गोलंदाजीसमोर पंजाबच्या फलंदाजानं गुडघे टेकले आहेत. ऋषी धवनच्या रुपात पंजाबच्या संघानं सातवी विकेट्स गमावली आहे.
पंजाबचे दोन महत्त्वाचे गडी तंबूत परतले आहे. शिखऱ धवनला ठाकूरने 19 धावांवर तर मयांकला अक्षरने शून्य धावांवर तंबूत धाडलं आहे.
पंजाबचा फलंदाज भानुका राजपक्षा केवळ 4 धावा करुन बाद झाला आहे. शार्दूल ठाकूरने त्याची विकेट घेतली आहे.
पंजाबला पहिला झटका बसला आहे. तुफान फटकेबाजी करणाऱ्या जॉनी बेअरस्टोला नॉर्खियाने अक्षरच्या हाती झेलबाद करत तंबूत धाडलं आहे. त्याने 28 धावा केल्या आहेत.
मिचेल मार्शच्या 63 धावांच्या जोरावर दिल्ली कॅपिटल्सने 159 धावा केल्या आहेत. त्यामुळे आता 120 चेंडूत पंजाबला 160 धावा करायच्या आहेत.
मिचेल मार्श 63 धावा करुन तंबूत परतला आहे. त्याची विकेट रिषी धवनने घेतली आहे.
दिल्ली संघाला आजही मिचेल मार्शने सावरलं असून नुकतंच त्याने अर्धशतक पूर्ण केलं आहे.
दिल्लीचा धाकड खेळाडू रोवमेन पोवेलही आज 2 धावा करुन बाद झाला आहे. लियामनेच त्याला बाद केलं आहे.
ललित यादव 24 धावा करुन बाद झाल्यानंतर ऋषभ पंतही 7 धावा करुन बाद झाला आहे. ललितला अर्शदीपने तर पंतला लियामने बाद केलं आहे.
दमदार फॉर्ममध्ये दिसणाऱ्या सरफराजला अर्शदीपने तंबूत धाडलं आहे. सरफराजने 32 धावा केल्या आहेत.
सामना सुरु झाल्याझाल्या पहिल्याच चेंडूवर डेव्हिड वॉर्नर तंबूत परतला आहे. लियाम लिव्हिंगस्टोनने त्याला झेलबाद केलं आहे.
पंजाब संघाने नाणेफेक जिंकत प्रथम गोलंदाजी करण्याचा निर्णय घेतला आहे. सामन्याला काही मिनिटांत सुरुवात होईल.
पंजाब आणि दिल्ली हे संघ 26 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता दोन्ही संघानी अगदी चुरशीची टक्कर एकमेकांना दिली आहे. यात पंजाबनं केवळ एक सामना अधिक जिंकत 15 विजय मिळवले आहेत. तर दिल्लीने 14 सामन्यात विजय मिळवला आहे.
जॉनी बेअरस्टो, मयांक अगरवाल (कर्णधार), शिखर धवन, लियाम लिव्हिंगस्टोन, जितेश शर्मा (विकेटकीपर), भानुका राजपक्षा, रिषी धवन, अर्शदीप सिंग, कागिसो रबाडा, संदीप शर्मा, राहुल चाहर
ऋषभ पंत (कर्णधार आणि विकेटकीपर), डेव्हिड वॉर्नर, मिचेल मार्श, सरफराज खान, ललित यादव, रोवमन पोवेल, अक्षर पटेल, ललित यादव, कुलदीप यादव, चेतन साकरिया, शार्दूल ठाकूर.
आयपीएलमधील(IPL 2022) आजच्या 64 व्या सामन्यात पंजाब किंग्स आणि दिल्ली कॅपिटल्स (PBKS vs DC) हे दोन्ही संघ आमने-सामने येणार आहेत. गुणतालिकेचा विचार करता दिल्लीने 12 पैकी 6 सामने जिंकत 12 गुण खिशात घातले आहेत. ते सध्या पाचव्या स्थानावर आहेत. तर पंजाबने देखील 12 पैकी 6 सामने जिंकत 12 गुण मिळवले असले तरी त्यांचा नेट-रनरेट कमी असल्यामुळे ते सातव्या स्थानावर आहेत.
पार्श्वभूमी
PBKS vs DC, Live Score : आयपीएलमधील(IPL 2022) आज पंजाब किंग्स आणि दिल्ली कॅपिटल्स (PBKS vs DC) या दोन संघात सामना पार पडत आहे. गुणतालिकेचा विचार करता दिल्लीने 12 पैकी 6 सामने जिंकत 12 गुण खिशात घातले आहेत. ते सध्या पाचव्या स्थानावर आहेत. तर पंजाबने देखील 12 पैकी 6 सामने जिंकत 12 गुण मिळवले असले तरी त्यांचा नेट-रनरेट कमी असल्यामुळे ते सातव्या स्थानावर आहेत. त्यामुळे आजचा विजय दोन्ही संघाना पुढील फेरीचं तिकीट मिळवून देण्यासाठी महत्त्वाचा आहे. दोघांनाही आजचा विजय अत्यंत महत्त्वाचा असल्याने आजचा सामनाही चुरशीचा होऊ शकतो. दरम्यान आयपीएलमध्ये आजवर पंजाब किंग्स आणि दिल्ली कॅपिटल्स (Punjab Kings vs delhi capitals) हे संघ 26 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता दोन्ही संघानी अगदी चुरशीची टक्कर एकमेकांना दिली आहे. यात पंजाबनं केवळ एक सामना अधिक जिंकत 15 विजय मिळवले आहेत. तर दिल्लीने 14 सामन्यात विजय मिळवला आहे.
आजचा सामना नवी मुंबईतील डी.वाय. पाटील मैदानात पार पडणार आहे. दरम्यान आजचा सामना सायंकाळच्या सुमारास होणार असल्याने दुसऱ्यांदा गोलंदाजी करणाऱ्या संघाला दवाची अडचण येऊ शकते, त्यामुळे नाणेफेक जिंकणारा संघ प्रथम गोलंदाजी घेण्याची शक्यता अधिक आहे.
दिल्ली अंतिम 11
ऋषभ पंत (कर्णधार आणि विकेटकीपर), डेव्हिड वॉर्नर, मिचेल मार्श, सरफराज खान, ललित यादव, रोवमन पोवेल, अक्षर पटेल, ललित यादव, कुलदीप यादव, खलील अहमद, शार्दूल ठाकूर.
पंजाब अंतिम 11
जॉनी बेअरस्टो, मयांक अगरवाल (कर्णधार), शिखर धवन, लियाम लिव्हिंगस्टोन, जितेश शर्मा (विकेटकीपर), भानुका राजपक्षा, रिषी धवन, अर्शदीप सिंग, कागिसो रबाडा, हरप्रीत ब्रार, राहुल चाहर
हे देखील वाचा-
- PBKS vs DC, Head to Head : पंजाब संघासमोर दिल्लीकरांचं आव्हान, अशी आहे आतापर्यंतची आकडेवारी
- IPL 2022 : हार्दिकच्या नेतृत्वातील गुजरातचा संघ इतका यशस्वी का होतोय?
- Taapsee Pannu : भारतीय बॅडमिंटन संघाची ऐतिहासिक कामगिरी, तापसीचा बॉयफ्रेंड आहे संघाचा कोच, विजयानंतर अभिनेत्री म्हणाली...
- - - - - - - - - Advertisement - - - - - - - - -