Delhi Capitals New Jersey: आयपीएलच्या पंधराव्या हंगामातील 42 व्या सामन्यात दिल्ली कॅपिटल्स आणि कोलकाता नाईट रायडर्समध्ये टक्कर पाहायला मिळणार आहे. या सामन्यात ऋषभ पंतच्या नेतृत्वाखाली दिल्लीचा संघ नवी जर्सी घालून मैदानात उतणार आहे. फ्रँचायझीनं सोशल मीडियावर नवीन जर्सीचे फोटोही शेअर केले आहेत. फ्रँचायझीच्या पोस्टमध्ये संघाचे मोठे खेळाडू नवीन जर्सी घातल्याचं दिसत आहेत.
दिल्लीची नवी जर्सी खूपच रंगीबेरंगी दिसते. या नव्या जर्सीचे फोटो शेअर करताना फ्रँचायझीनं असं लिहलंय की, "आम्ही आयपीएलच्या दुसऱ्या टप्प्याची सुरुवात रंगीत जर्सीनं करत आहोत. केकेआरविरुद्धच्या आजच्या सामन्यात आमचे खेळाडू ही खास जर्सी घालतील."
इन्स्टाग्राम पोस्ट-
आयपीएल 2022 च्या गुणतालिकेत दिल्ली आणि कोलकाता संघ सातव्या आणि आठव्या स्थानावर आहेत. दिल्लीच्या संघानं या हंगामातील आतापर्यंत 7 पैकी 3 सामने जिंकले आहेत. तर 4 सामन्यांमध्ये पराभवाचा पत्कारावा लागला आहे. दुसरीकडे कोलकाताच्या संघासाठीही यंदाचा हंगाम काही खास ठरला नाही. कोलकातानं 8 पैकी 5 सामने गमावले आहेत. कोलकाताच्या संघाला गेल्या 4 सामन्यांत सलग पराभव स्वीकारावा लागला आहे.
कधी, कुठे पाहता येणार सामना?
आज 28 एप्रिल रोजी होणारा दिल्ली कॅपिटल्स आणि कोलकाता नाईट रायडर्स हा सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल. दिल्ली- कोलकाता यांच्यातील सामना मुंबईतील वानखेडे स्टेडियमवर खेळवला जाणार आहे. दिल्ली आणि कोलकाता यांच्यातील आजचा सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल.
हे देखील वाचा-