MI vs RCB, Head to Head : मुंबई विरुद्ध बंगळुरु आमने-सामने, अशी आहे आतापर्यंतची आकडेवारी

IPL 2022 : मुंबई इंडियन्स विरुद्ध रॉयस चँलेजर्स बंगळुरु या अटीतटीच्या सामन्याआधी आतापर्यंत या दोन्ही संघाच्या एकमेंकाविरुद्धच्या कामगिरीवर एक नजर फिरवूया...

RCB vs MI

RR vs RCB : मुंबई इंडियन्स विरुद्ध रॉयल चँलेजर्स बंगळुर (MI vs RCB) या आयपीएलमधील (IPL 2022) आजच्या सामन्यात मुंबईला यंदाच्या हंगामातील पहिला-वहिला विजय मिळवण्याची आशा आहे. आतापर्यंत झालेल्या तीनही सामन्यात मुंबईक पराभूत झाली आहे. दुसरीकडे बंगळुरुने मात्र तीन पैकी दोन सामने जिंकल्याने त्यांचं आव्हान मुंबईला अवघड असणार हे नक्की. दरम्यान आजच्या सामन्यापूर्वी या दोन्ही संघाचा आजवरचा एकमेंकाविरुद्धता इतिहास पाहणंही महत्त्वाचं आहे.

केकेआर तीन पैकी दोन सामने जिंकत पॉईंट्स टेबलमध्ये दुसऱ्या स्थानावर आहे. तर दुसरीकडे मुंबईचा संघ मात्र आठव्या स्थानी आहे. आजचा सामना मुंबईच्या एमसीए मैदानात पार पडणार आहे. आजच्या सामन्यात दोन्ही संघामधील कोणता संघ चांगली कामगिरी करेल यासाठी त्यांच्या आजवरच्या इतिहासावर (Head to Head) एक नजर फिरवू... 

मुंबई विरुद्ध बंगळुरु Head to Head

आयपीएलमध्ये आजवर मुंबई इंडियन्स आणि रॉयल चँलेजर्स बंगळुरु हे संघ तब्बल 29 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता मुंबईचं पारडं जड आहे. कारण मुंबईने 29 पैकी 17 सामने एकहाती जिंकत वर्चस्व प्रस्थापित केलं आहे. तर आरसीबीला 12 सामन्यात विजय मिळवता आला आहे. पण यंदा बंगळुरुचा फॉर्म मुंबईपेक्षा अधिक चांगला असल्याने आजचा  सामना चुरशीचा होणार हे नक्की.

आजच्या सामन्यात अशी असू शकते संभाव्य अंतिम 11  

मुंबई - रोहित शर्मा (कर्णधार) ईशान किशन (विकेटकीपर), सूर्यकुमार यादव, तिलक वर्मा, किरॉन पोलार्ड, टीम डेव्हिड, डॅनियल सॅम्स, मुरुगन आश्विन, जसप्रीत बुमराह, टायमल मिल्स, बेसिल थम्पी. 

बंगळुरु - फाफ डु प्लेसीस (कर्णधार), अनुज रावत, विराट कोहली, ग्लेन मॅक्सवेल, दिनेश कार्तिक (विकेटकीपर), डेविड विली, शाहबाज अहमद, वानिंदू हसरंगा, हर्षल पटेल, आकाश दीप, मोहम्मद सिराज

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha