हिटमॅन फ्लॉफ... 16 सामने, दोन अर्धशतके अन् सरासरी 20.75, यंदा रोहितची बॅट शांतच 

Rohit Sharma, IPL 2023 : आयपीएलच्या सोळाव्या हंगामाचा विजेता मिळण्यास अवघे काही तास लागले आहे.

Rohit Sharma, IPL 2023 : आयपीएलच्या सोळाव्या हंगामाचा विजेता मिळण्यास अवघे काही तास लागले आहे. मुंबईचा पराभव करत गुजरातने फायनलमध्ये धडक मारली. रोहित शर्माची खराब फलंदाजी, मुंबईच्या पराभवाचं प्रमुख कारण आहे. रोहित शर्मा याला यंदा आपल्या लौकिकास साजेशी फलंदाजी करता आलेली नाही. रोहित शर्मा याला 16 सामन्यात फक्त दोन अर्धशतके झळकावता आली आहेत. त्याशिवाय दरम्यान रोहित शर्माची फलंदाजी सरासरी 21 पेक्षा कमीच होती. हे आकडे रोहित शर्माला साजेशी नाहीत.

मुंबईचा कर्णधार रोहित शर्मा याची बॅट शांतच आहे. मागील दोन वर्षांपासून रोहित शर्मा याला आयपीएलमध्ये लौकिकास साजेशी कामगिरी करता आलेली नाही. रोहित शर्मा याला गेल्यावर्षी 300 धावांचा टप्पाही पार करता आला नव्हता. गेल्यावर्षीप्रमाणे यंदाही रोहित शर्मा याची बॅट शांतच राहिली. रोहित शर्मा याने 16 सामन्यात 20.75 च्या सर्वसामान्य सरासरीने फक्त 332 धावा केल्या आहेत. यामध्ये दोन अर्धशतकाचा समावेश आहे. त्याची सर्वोच्च धावसंख्या 65 इतकी राहिली.  रोहित शर्मा याने 16 सामन्यात 17 षटकार आणि 35 चौकार लगावले आहेत. तर फिल्डिंग करताना फक्त एक झेल घेतलाय.  रोहित शर्माची सरासरी त्याच्या लौकिकास साजेशी नाही.

गेल्यावर्षी रोहितची कामगिरी कशी होती ---

गतवर्षीही रोहित शर्माला आपल्या लौकिकास साजेशी कामगिरी करता आली नव्हती. रोहित शर्माने गेल्यावर्षी 14 सामन्यात 268 धावा केल्या होत्या. धक्कादायक बाब म्हणजे.. गेल्यावर्षी रोहित शर्माला एकही अर्धशतक झळकावता आले नव्हते. गेल्यावर्षी रोहित शर्माची सर्वोच्च धावसंख्या 48 इतकी होती. रोहित शर्माने गेल्यावर्षी 19 च्या सरासरकीने आणि 120 च्या स्ट्राईक रेटने 268 धावा केल्या होत्या. गेल्यावर्षी रोहित शर्माने 13 षटकार आणि 28 चौकार लगावले होते. रोहित शर्माने गेल्यावर्षी फक्त सात झेल घेतले होते. 

आयपीएलमधील रोहित शर्माची कामगिरी कशी ?

रोहित शर्मा याने 243 सामन्यात 6211 धावा केल्या आहेत. यादरम्यान एक शतक आणि 42 अर्धशतके झळकावली आहेत. रोहित शर्मा याने आयपीएलमध्ये 257 षटकार लगावले आहेत. रोहित शर्माच्या बॅटमधून 554 चौकार निघाले आहेत.

रोहित शर्मा याचे संपूर्ण आयपीएल करिअर -

YEAR	MAT	NO	RUNS	HS	AVG	BF	SR	100	50	4S	6S	CT	ST
Career	243	28	6211	109*	29.58	4776	130.05	1	42	554	257	98	0
2023	16	0	332	65	20.75	250	132.80	0	2	35	17	1	0
2022	14	0	268	48	19.14	223	120.18	0	0	28	13	7	0
2021	13	0	381	63	29.30	299	127.42	0	1	33	14	1	0
2020	12	0	332	80	27.66	260	127.69	0	3	27	19	6	0
2019	15	1	405	67	28.92	315	128.57	0	2	52	10	4	0
2018	14	2	286	94	23.83	215	133.02	0	2	25	12	8	0
2017	17	2	333	67	23.78	273	121.97	0	3	31	9	10	0
2016	14	3	489	85*	44.45	368	132.88	0	5	49	16	2	0
2015	16	2	482	98*	34.42	333	144.74	0	3	41	21	5	0
2014	15	2	390	59*	30.00	302	129.13	0	3	31	16	5	0
2013	19	5	538	79*	38.42	409	131.54	0	4	35	28	7	0
2012	17	2	433	109*	30.92	342	126.60	1	3	39	18	13	0
2011	16	3	372	87	33.81	297	125.25	0	3	32	13	7	0
2010	16	2	404	73	28.85	302	133.77	0	3	36	14	9	0
2009	16	3	362	52	27.84	315	114.92	0	1	22	18	5	0
2008	13	1	404	76*	36.72	273	147.98	0	4	38	19	8	0

आणखी वाचा :