Chennai Super Kings vs Rajasthan Royals : इंडियन प्रीमियर लीग 2023 च्या (IPL 2023) 17 व्या सामन्यात चेन्नई सुपर किंग्स (CSK) आणि राजस्थान रॉयल्स (RR) हे दोन संघ एकमेकांशी भिडणार आहेत. आयपीएलच्या चालू हंगामात या दोन संघांमधील चेन्नईच्या एमए चिदंबरम स्टेडियम (MA Chidambaram Stadium) सामना रंगणार आहे. धोनीच्या नेतृत्त्वात चेन्नई सुपर किंग्स (Chennai Super Kings) आणि संजू सॅमसनच्या नेतृत्वात राजस्थान रॉयल्स (Rajasthan Royals) यांच्यात हा सामना रंगणार आहे.
RR vs CSK IPL 2023 : चेन्नई आणि राजस्थान आमने-सामने
चेन्नई सुपर किंग्सची आयपीएल 2023 गतविजेत्या गुजरात टायटन्सकडून 5 विकेट्सने पराभवासह मोसमाची सुरुवात केली. त्यानंतर महेंद्र सिंह धोनीच्या नेतृत्वाखालील संघाने लखनौ सुपर जायंट्सला 12 धावांनी पराभूत केले आणि त्यानंतर मुंबई इंडियन्सला सात गडी राखून पराभूत केलं. दुसरीकडे राजस्थान रॉयल्सने सनरायझर्स हैदराबादवर 72 धावांनी दणदणीत विजय मिळवत आपल्या मोहिमेची सुरुवात केली. त्यानंतर पंजाब किंग्सला 5 धावांनी पराभव पत्करावा लागला आणि त्यानंतर राजस्थानेन दिल्ली कॅपिटल्सचा 57 धावांनी पराभव केला.
CSK vs RR, IPL 2023 : कधी आणि कुठे होणार सामना?
चेन्नई सुपर किंग्स (CSK) आणि राजस्थान रॉयल्स (RR vs CSK) यांच्यात 12 एप्रिल रोजी बुधवारी रोजी रणसंग्राम पाहायला मिळणार आहे. हा सामना चेन्नईतील एमए चिदंबरम स्टेडिअम म्हणजेच चेपॉक स्टेडिअमवर संध्याकाळी 7.30 वाजता पार पडणार आहे. नाणेफेक संध्याकाळी 7.00 वाजता होईल.
MA Chidambaram Stadium Pitch Report : चेपॉक स्टेडिअमची खेळपट्टी कशी आहे?
चेन्नईतील एमए चिदंबरम स्टेडियम (MA Chidambaram Stadium) चेपॉक स्टेडियम (Chepauk Stadium) म्हणूनही ओळखले जातं. हे खूप जुनं मैदान आहे. या स्टेडियमवर फिरकीपटूंचं वर्चस्व आहे. अनेक फिरकीपटूंनी येथे गोलंदाजी करताना भरपूर विकेट्स घेतल्या आहेत. ज्या संघात चांगले फिरकीपटू असतील तो संघ या मैदानावर वर्चस्व गाजवतो. खेळपट्टीवर चेंडू वळणाचे प्रमाण जास्त असू शकतं. गेल्या काही वर्षांत चेपॉक स्टेडिअमची खेळपट्टी फलंदाजांसाठी चांगली ठरली आहे. खेळ जसजसा पुढे सरकतो तसतशी खेळपट्टी खूप कोरडी होते आणि याचा फिरकीपटूंना फायदा झाला होतो.
दोन्ही संघांची संभाव्य प्लेईंग 11
IPL 2023, CSK Playing 11 : चेन्नई संभाव्य प्लेईंग 11
ऋतुराज गायकवाड, डेव्हॉन कॉनवे, अजिंक्य रहाणे, मोईन अली, रविंद्र जडेजा, शिवम दुबे, मिचेल सँटनर, सिसांडा मंगाला, महेंद्र सिंह धोनी (कर्णधार), राजवर्धन हंगेरगेकर, तुषार देशपांडे
IPL 2023 RR Playing 11 : राजस्थान संभाव्य प्लेईंग 11
यशस्वी जैस्वाल, रियान पराग, शिमरॉन हेटमायर, रविचंद्रन अश्विन, जेसन होल्डर, जोस बटलर, संजू सॅमसन (कर्णधार), ध्रुव जुरेल, ट्रेंट बोल्ट, युझवेंद्र चहल, संदीप शर्मा
महत्त्वाच्या इतर बातम्या :
CSK vs RR, Match Preview : चेन्नई की राजस्थान, कोण ठरणार वरचढ? पाहा हेड टू हेड आकडेवारी