CSK vs KKR Playing 11 : धोनी विजयी मोहिम कायम ठेवणार? नितीश राणाच्या नेतृत्त्वात 'हे' 11 खेळाडू रणांगणात

KKR vs CSK Playing 11 : आयपीएल 2023 च्या 32 व्या सामन्यात आज चेन्नई (Chennai Super Kings) आणि कोलकाता (Kolkata Knight Riders) या दोन संघामध्ये लढत पाहायला मिळणार आहे.

CSK vs KKR IPL 2023 Match 33 : आयपीएल (IPL 2023) आज, रविवारी 23 एप्रिलला चार वेळा आयपीएल चॅम्पियन चेन्नई सुपर किंग्स (Chennai Super Kings) आणि कोलकाता नाईट रायडर्स (Kolkata Knight Riders) यांच्यात रणसंग्राम पाहायला मिळणार आहे. आज कोलकातामधील ईडन गार्डन स्टेडियमवर (Eden Gardens Stadium) संध्याकाळी 7.30 वाजता हा सामना रंगणार आहे. कर्णधार महेंद्र सिंग धोनीच्या नेतृत्त्वात चेन्नई सुपर किंग्सचा संघ गुणतालिकेत तिसऱ्या क्रमांकावर कायम आहे. तर नितीश राणाच्या नेतृत्त्वात कोलकाता नाईट रायडर्स संघ आठव्या क्रमांकावर आहे. आजचा सामना जिंकून कोलकाता आणि चेन्नई पॉईंट्स टेबलमध्ये उडी घेण्याचा प्रयत्न करतील.

IPL 2023 CSK vs KKR : चेन्नई विरुद्ध कोलकाता

चेन्नई सुपर किंग्स घरच्या मैदानावर सनरायझर्स हैदराबादविरुद्धच्या विजयानंतर आजच्या मैदानात उतरत आहेत. चेन्नई संघाने शेवटच्या सामन्यात एडन मार्करमच्या नेतृत्वाखालील हैदराबद संघाचा पराभव केला. दुसरीकडे, कोलकाता संघाला मागील सामन्यात डेव्हिड वॉर्नरच्या नेतृत्वात दिल्ली कॅपिटल्सकडून मागील सामन्यात पराभव पत्करावा लागला होता. 

Eden Gardens Pitch Report : ईडन गार्डनची खेळपट्टी कशी आहे?

आज आरसीबी आणि केकेआर यांच्यातील सामना कोलकाताच्या घरच्या ईडन गार्डन मैदानावर पार पडणार आहे. ईडन गार्डन स्टेडिअमची (Eden Gardens) खेळपट्टी (Pitch Report) फलंदाजीसाठी अनुकूल मानली जाते. या स्टेडियमच्या लहान आकारामुळे मोठी धावसंख्या पाहायला मिळते. दरम्यान, या मैदानावर दव महत्त्वाची भूमिका बजावते. दव पडल्यानंतर फिरकी गोलंदाजांना या खेळपट्टीवर मदत मिळू लागते, त्यानंतर धावा काढणं कठीण होतं.

CSK vs KKR Playing 11: दोन्ही संघांची संभाव्य प्लेईंग 11

CSK Playing 11 : चेन्नई संभाव्य प्लेईंग 11

डेव्हॉन कॉनवे, ऋतुराज गायकवाड, अजिंक्य रहाणे, मोईन अली, शिवम दुबे, रवींद्र जाडेजा, एमएस धोनी (कर्णधार आणि विकेटकीपर), महेश थेक्षाना, मथीशा पाथीराना, तुषार देशपांडे, आकाश सिंह.

KKR Playing 11 : कोलकाता संभाव्य प्लेईंग 11

रहमानउल्ला गुरबाज (विकेटकीपर), व्यंकटेश अय्यर, एन जगदीशन, नितीश राणा (कर्णधार), रिंकू सिंह, आंद्रे रसेल, सुनील नारायण, शार्दुल ठाकूर, उमेश यादव, लॉकी फर्ग्युसन, वरुण चक्रवर्ती.

IPL 2023 Live Streaming : लाईव्ह सामना कुठे पाहाल?

आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.

महत्त्वाच्या इतर बातम्या :