IPL 2020 UAE Full Schedule | ठरलं! उद्या येणार आयपीएल सामन्यांची संपूर्ण यादी

आयपीएल सामन्यांची संपूर्ण यादी उद्या येणार असल्याची माहिती IPL चे अध्यक्ष ब्रीजेश पटेल यांनी दिली आहे. येत्या 19 सप्टेंबरपासून आयपीएलच्या तेराव्या मोसमाला सुरुवात होणार आह

इंडियन प्रीमियर लीगच्या तेराव्या सीझन मधील सामन्यांची यादी उद्या (6 सप्टेंबर) जाहीर होणार असल्याची माहिती आयपीएलचे अध्यक्ष ब्रीजेश पटेल यांनी दिली आहे. येत्या 19 सप्टेंबरपासून IPL सुरु होणार आहे. कोरोना व्हायरसच्या प्रादुर्भावामुळे यंदा यूएईमध्ये आयपीएलचं आयोजन करण्यात आलं आहे.

चेन्नई सुपर किंग्जच्या दोन खेळाडू आणि 11 सपोर्ट स्टाफला कोरोनाची लागण झाल्यानंतर बीसीसीआयने सामन्यांची संपूर्ण यादी जाहीर केली नव्हती. शिवाय सगळे संघही संपूर्ण वेळापत्रकाची वाट पाहत आहेत. उद्घाटन सामना आणि अंतिम सामन्याच्या तारखांची घोषणा आधीच झाली आहे. त्यानुसार 19 सप्टेंबर रोजी उद्घाटन सामना आणि 10 नोव्हेंबर रोजी अंतिम सामना खेळवला जाणार आहे.

Schedule of IPL 2020 that starts from 19th September in UAE will be released tomorrow: IPL chairman Brijesh Patel pic.twitter.com/NHnGZzohQS

— ANI (@ANI) September 5, 2020

आयपीएलचा तेरावा मोसम 19 सप्टेंबरपासून 10 नोव्हेंबरदरम्यान खेळवण्यात येणार आहे. याची घोषणा होताच सर्व संघ संयुक्त अरब अमीरातला पोहोचले आहेत. चेन्नई सुपर किंग्जचे खेळाडू आणि सपोर्ट स्टाप कोरोना पॉझिटिव्ह असल्याचं समोर आल्यानंतर संघाचा क्वॉरन्टाईन कालावधी एक आठवड्याने वाढला. चेन्नई सुपर किंग्जचे खेळाडू वगळता सर्व खेळाडू सराव करत आहेत.

आयपीएल टूर्नामेंट तीन ठिकाणी आयोजित करण्यात आली आहे. 21 सामने दुबईत, 21 अबू धाबी आणि शारजाहमध्ये 14 सामने, अशाप्रकारे आयपीएल 2020 मध्ये एकूण 56 ग्रुप सामन्यांचं वाटप करण्यात करण्यात आलं आहे.

CSK player corona | चेन्नई सुपर किंग्जच्या खेळाडूला आणि सपोर्ट स्टाफला कोरोनाची लागण, IPLमध्ये कोरोनाचा शिरकाव