IPL : 'हार्दिक खरा आत्मनिर्भर', हिट विकेट झाल्यावर हार्दिक ट्रोल, मिम्सचा पाऊस

IPL 2020 KKR vs MI: मुंबई इंडियन्सने कोलकाता नाईट रायडर्सवर 49 धावांनी मात करत मोसमातील पहिला विजय साजरा केला. 196 धावांच्या आव्हानाचा पाठलाग करण्यासाठी उतरलेल्या कोलकाताच्या संघाला 146 धावांपर्यंत मजल मारता आली. या सामन्यानंतर विशेष चर्चा राहिली ती हार्दिक पांड्याची. या सामन्यात हार्दिकनं 13 चेंडूत 18 धावा केल्या. या खेळीत त्यानं 1 षटकार आणि 2 चौकार लगावले. मात्र तो 19 व्या षटकात हिट विकेटनं आऊट झाला. रसेलच्या गोलंदाजीवर हार्दिक हिट विकेट झाल्यावर सोशल मीडियावर हार्दिकची चर्चा सुरु झाली. चर्चा इतकी की हार्दिक टॉप ट्रेंडिंगमध्येच आला.

हिटविकेट झाल्यावर हार्दिक पांड्यावर सोशल मीडियावर मिम्स व्हायरल होऊ लागले. सोशल मीडियावर हार्दिक पांड्याला आत्मनिर्भर झाला असं म्हटलं गेलं. तसंच एका हिंदी गाण्याच्या सुरात 'केकेआर को क्या जरूरत मैं खुद ही आउट हो जाऊंगा' असे मिम्सही व्हायरल झाले. तसंच जेठालालसह पाकिस्तानी फॅनच्या एका व्हिडीओला जोडून हार्दिकला ट्रोल केलं गेलं.

एका यूझरनं म्हटलं आहे, हार्दिक पांड्या म्हणत असेल 'गलती से मिस्टेक हो गया'. तर एकाने आत्मनिर्भरचा सर्वात चांगला अर्थ हार्दिक पांड्यानं समजावला आहे. एका यूझरनं म्हटलं आहे की, हार्दिक बेल्सच्या लाईट्स लागतात का, हे तपासत आहे.

दरम्यान या सामन्यात मुंबई इंडियन्सने कोलकाता नाईट रायडर्सवर 49 धावांनी मात करत मोसमातील पहिला विजय साजरा केला. 196 धावांच्या आव्हानाचा पाठलाग करण्यासाठी उतरलेल्या कोलकाताच्या संघाला 146 धावांपर्यंत मजल मारता आली. या सामन्यात मुंबईचा कर्णधार रोहित शर्मानं 6 षटकारांसह 80 धावांची खेळी केली. रोहितनं आयपीएल कारकीर्दीत 200 षटकार ठोकण्याचा पराक्रम गाजवला. आयपीएलमध्ये अशी कामगिरी करणारा तो आजवरचा चौथा फलंदाज ठरला.