नवी दिल्ली : वर्ल्डकपच्या सलामीच्या सामन्यात ( ICC Cricket World Cup 2023) अत्यंत प्रतिकुल परिस्थितीत विराट कोहली आणि के. एल. राहुलने केलेल्या दमदार फलंदाजीने टीम इंडियाने ऑस्ट्रेलियाला मात दिली होती. त्यामुळे उद्याच्या सामन्यात अफगाणिस्तानविरुद्ध (India vs Afghanistan) दोन हात करताना फलंदाजी सुधारण्यावर टीम इंडियाचे लक्ष असेल. ऑस्ट्रेलियाविरुद्ध पहिल्या लढतीत भारताची दोन षटकांत 3 बाद 5 अशी स्थिती झाली होती. त्यामुळे सलामीवीर कप्तान रोहित शर्मा, संधी मिळाल्यास इशान किशन आणि चौथ्या क्रमांकावर येणाऱ्या श्रेयस अय्यरवर मोठा दबाव असणार आहे. सलामीवीर शुभमन गिल अफगाणविरुद्धच्या सामन्यालाही मुकणार आहे. त्यामुळे उद्याच्या सामन्यात ऑस्ट्रेलियाविरुद्ध उतरलेला संघ मैदानात उतरेल की नाही? फलंदाजीत बदल केला जाणार की नाही? याकडेही लक्ष असेल.

  


बांगलादेशविरुद्धच्या दारुण पराभवानंतर, अफगाणिस्तानचे दिल्लीमध्ये परिस्थिती बदलण्याचे लक्ष्य असेल. दिल्लीच्या लाजपत नगरमध्ये मोठ्या संख्येने अफगाण रहिवासी असल्याने खेळाडूंना चांगला पाठिंबा मिळण्याची अपेक्षा आहे. मुख्यत: फिरकीपटू ही अफगाणिस्तानची गेल्या काही वर्षांपासून मजबूत फळी आहे. प्रभाव पाडायचा असेल तर त्यांच्या फलंदाजांनीही सुधारणा आवश्यक आहे. सलामीवीर रहमानउल्ला गुरबाज हा एकमेव फॉर्मात आहे. बांगलादेशविरुद्ध 156 धावांचा सर्वबाद झाल्याने फलंदाज तत्काळ सुधारणा करण्याचा प्रयत्न करतील.


भारत विरुद्ध अफगाणिस्तान सामना तारीख, वेळ आणि ठिकाण


भारत विरुद्ध अफगाणिस्तान सामना उद्या बुधवार, 11 ऑक्टोबर रोजी नवी दिल्लीतील अरुण जेटली स्टेडियमवर होईल. सामना भारतीय वेळेनुसार दुपारी 2 वाजता सुरू होईल.


भारत विरुद्ध अफगाणिस्तान: एकदिवसीय सामन्यांमध्ये रेकॉर्ड


खेळलेले सामने - 3, भारताने जिंकले - 2, अफगाणिस्तान -0, बरोबरीत-1


टीव्हीवर IND vs AFG कशी पाहता येईल?


भारत विरुद्ध अफगाणिस्तान सामना स्टार स्पोर्ट्स नेटवर्क चॅनेलवर असेल 


ऑनलाइन मॅच कशी पाहाल?


Disney+ Hotstar वर भारत विरुद्ध अफगाणिस्तान सामना त्यांच्या अॅप आणि वेबसाइटवर पाहता येईल


भारताचा संघ


रोहित शर्मा (कप्तान), इशान किशन, विराट कोहली, श्रेयस अय्यर, केएल राहुल (विकेटकीपर), हार्दिक पंड्या, रवींद्र जडेजा, रविचंद्रन अश्विन, कुलदीप यादव, जसप्रीत बुमराह, मोहम्मद सिराज, मोहम्मद शमी, सूर्यकुमार यादव, शुभमन गिल, शार्दुल ठाकूर.


अफगाणिस्तान संघ


हशमतुल्ला शाहिदी (कप्तान), रहमानउल्ला गुरबाज (विकेटकीपर), इब्राहिम झद्रान, रियाझ हसन, रहमत शाह, नजीबुल्ला झदरन, मोहम्मद नबी, इक्रम अलीखिल, अजमातुल्ला उमरझाई, रशीद खान, मुजीब उर रहमान, नूर अहमद, फजलहक फारुकी, अब्दुल रहमान, नवीन उल हक.


इतर महत्वाच्या बातम्या