आशियाई चॅम्पियन्स ट्रॉफी हॉकीमध्ये भारताची फायनलमध्ये धडक

गोलकीपर आणि कर्णधार श्रीजेशनं रोखलेल्या पेनल्टीनं भारताला आशियाई चॅम्पियन्स ट्रॉफी हॉकी स्पर्धेच्या अंतिम फेरीचं तिकीट मिळवून दिलं आहे. या स्पर्धेच्या उपांत्य फेरीत दक्षिण कोरियावर पेनल्टी शूटआऊटमध्ये 5-4 अशी मात केली. श्रीजेशनं पाचव्या पेनल्टीवर दक्षिण कोरियाचा गोल रोखून भारताच्या विजयात महत्त्वाचा वाटा उचलला. त्याआधी निर्धारीत वेळेत दोन्ही संघांमधला सामना 2-2 असा बरोबरीत सुटला होता. निर्धारीत वेळेत भारताकडून तलविंदर सिंगनं 15व्या तर रमणदीप सिंगनं 55 व्या मिनिटाला गोल केले होते.