एक्स्प्लोर

IND vs SA 2nd Test Record : विक्रमी विजयासह टीम इंडियाचा पुन्हा टाॅप गिअर; केपटाऊन कसोटीत धावा झाल्या नाहीत तेवढ्या विक्रमांचा पाऊस!

या सामन्याद्वारे भारतीय संघाने दक्षिण आफ्रिकेतील पाचवी कसोटी जिंकली. केपटाऊनमध्ये भारताचा हा पहिलाच कसोटी विजय होता. केपटाऊनमध्ये कसोटी सामना जिंकणारा टीम इंडिया पहिला आशियाई संघ ठरला आहे.

Written By : एबीपी माझा स्पोर्ट्स डेस्क | Edited By: परशराम पाटील | Updated at : 04 Jan 2024 06:38 PM (IST)

IND vs SA 2nd Test Record

IND vs SA 2nd Test Record : टीम इंडियाने केपटाऊनमध्ये यजमान दक्षिण आफ्रिकेचा 7 विकेटने पराभव करून इतिहास रचला. न्यूलँड्स, केपटाऊन येथे टीम इंडियाचा कसोटी क्रिकेटमधील हा पहिला विजय ठरला. वेगवान गोलंदाज मोहम्मद सिराज आणि जसप्रीत बुमराहने भारताच्या विजयाच्या शिल्पकार ठरले. भारत आणि दक्षिण आफ्रिका यांच्यातील दुसरी कसोटी अवघ्या दीड दिवसात संपली. चेंडूंच्या बाबतीत हा सर्वात लहान कसोटी सामना ठरला. अवघ्या 642 चेंडूत सामना निकाली निघाला. याशिवाय या सामन्यात आणखीही अनेक विक्रम झाले. तसेच जागतिक कसोटी क्रमवारीत टीम इंडिया प्रथम स्थानावर पोहोचली आहे. दुसऱ्या कसोटीतील मोठा विजय टीम इंडियाच्या पथ्यावर पडला आहे.

WTC Points Table...!!!

India is now No.1 Ranked team. 🇮🇳 pic.twitter.com/4jQNdJkhOl
— Mufaddal Vohra (@mufaddal_vohra) January 4, 2024

चला तर मग जाणून घेऊया केपटाऊन कसोटीतील पाच मोठे विक्रम

सर्वात कमी चेंडूंत कसोटी निकाल

642 चेंडू - दक्षिण आफ्रिका विरुद्ध भारत, केपटाऊन, 2024*
656 चेंडू - ऑस्ट्रेलिया विरुद्ध दक्षिण आफ्रिका, मेलबर्न, 1932
672 चेंडू - वेस्ट इंडिज विरुद्ध इंग्लंड, ब्रिजटाऊन, 1935
788 चेंडू - इंग्लंड विरुद्ध ऑस्ट्रेलिया, मँचेस्टर, 1888
792 चेंडू - इंग्लंड विरुद्ध ऑस्ट्रेलिया, लॉर्ड्स, 1888.

भारताचा दक्षिण आफ्रिकेतील पाचवा कसोटी विजय, केपटाऊनमध्ये पहिला

या सामन्याद्वारे भारतीय संघाने दक्षिण आफ्रिकेतील पाचवी कसोटी जिंकली. केपटाऊनमध्ये भारताचा हा पहिलाच कसोटी विजय होता. केपटाऊनमध्ये कसोटी सामना जिंकणारा टीम इंडिया पहिला आशियाई संघ ठरला आहे.

A historic day in Indian cricket. 🇮🇳

- First Asian team to win a Test match at Capetown, A victory to remember forever. pic.twitter.com/vV34h4iSrH
— Johns. (@CricCrazyJohns) January 4, 2024