IND vs AFG Test : ध्रुव जुरेल OUT, ऋषभ पंत IN... अन् 2 स्टार खेळाडूंचे पदार्पण; अफगाणिस्तानविरुद्ध अशी असणार टीम इंडियाची प्लेइंग-11
IND vs AFG 2026 One-off Test Predicted Playing 11 : भारत आणि अफगाणिस्तान यांच्यातील एकमेव कसोटी सामना 6 जूनपासून मुल्लांपुर येथे खेळवला जाणार आहे.
IND vs AFG 2026 One-off Test Predicted Playing 11 : भारत आणि अफगाणिस्तान यांच्यातील एकमेव कसोटी सामना 6 जूनपासून मुल्लांपुर येथे खेळवला जाणार आहे. तब्बल 8 वर्षांनंतर दोन्ही संघ कसोटी क्रिकेटमध्ये आमनेसामने येणार आहेत. या सामन्याला विशेष महत्त्व आहे कारण मुल्लांपुरच्या मैदानावर प्रथमच कसोटी सामना खेळला जाणार आहे. दक्षिण आफ्रिकेविरुद्धची मालिका 0-2 ने गमावल्यानंतर भारतीय संघ विजयी पुनरागमन करण्याच्या निर्धाराने मैदानात उतरणार आहे. 2018 मध्ये झालेल्या पहिल्या कसोटी सामन्यात भारताने अफगाणिस्तानचा डाव आणि 262 धावांनी पराभव केला होता. मात्र यावेळी अफगाणिस्तानचा संघ अधिक अनुभवी असून कर्णधार हशमतुल्लाह शाहिदीच्या नेतृत्वाखाली ते कडवी झुंज देण्याचा प्रयत्न करतील.
मुल्लांपुरची खेळपट्टी कशी असेल? (IND vs AFG Test Mullanpur pitch)
मुल्लांपुर येथे पहिल्यांदाच कसोटी सामना होत असल्याने दोन्ही संघांसाठी खेळपट्टीचा अंदाज बांधणे सोपे नाही. सुरुवातीच्या दोन दिवसांत वेगवान गोलंदाजांना मदत मिळण्याची शक्यता आहे. चेंडू नवीन असताना सीम आणि स्विंगचा प्रभाव दिसू शकतो. मात्र सामना जसजसा पुढे जाईल तसतशी फलंदाजी सोपी होत जाईल. चौथ्या-पाचव्या दिवशी खेळपट्टी झिजल्यावर फिरकीपटूंना मोठी मदत मिळू शकते.
भारताच्या संघरचनेकडे सर्वांचे लक्ष
कर्णधार शुभमन गिलसमोर योग्य संतुलन साधण्याचे मोठे आव्हान असेल. यशस्वी जैस्वाल आणि केएल राहुल सलामीला उतरू शकतात. तिसऱ्या क्रमांकावर साई सुदर्शनला संधी मिळण्याची शक्यता आहे. त्याचबरोबर हरियाणाचा डावखुरा वेगवान गोलंदाज गुरनूर बरार आणि फिरकी अष्टपैलू हर्ष दुबे यांना कसोटी पदार्पणाची संधी मिळू शकते. ऋषभ पंतच्या पुनरागमनामुळे मधली फळी अधिक मजबूत दिसत आहे. वॉशिंग्टन सुंदर, कुलदीप यादव आणि मोहम्मद सिराज यांच्यावर गोलंदाजीची मोठी जबाबदारी असेल.
भारताची संभाव्य प्लेइंग इलेव्हन (India's Probable Playing XI)
केएल राहुल, यशस्वी जैस्वाल, साई सुदर्शन, शुभमन गिल (कर्णधार), ऋषभ पंत (यष्टीरक्षक), वॉशिंग्टन सुंदर, हर्ष दुबे, कुलदीप यादव, मोहम्मद सिराज, गुरनूर बरार, प्रसिद्ध कृष्णा.
अफगाणिस्तानची संभाव्य प्लेइंग इलेव्हन (Afghanistan's probable playing XI)
अब्दुल मलिक, सेदिकुल्लाह अटल, रहमानउल्ला गुरबाज, हशमतुल्ला शाहिदी (कर्णधार), अफसर जजई, रहमत शाह, अजमतुल्ला उमरझाई, शराफुद्दीन अशरफ, नांगेयालिया खारोटे, कैस अहमद, जियाउर रहमान.
भारत आणि अफगाणिस्तान हेड-टू-हेड रेकॉर्ड (India vs Afghanistan Head-to-Head Record)
भारत आणि अफगाणिस्तान यांच्यात आतापर्यंत फक्त एकच कसोटी सामना खेळला गेला आहे. 2018 मध्ये झालेल्या त्या सामन्यात भारताने 474 धावा केल्या होत्या. त्यानंतर अफगाणिस्तानचा पहिला डाव 109 आणि दुसरा डाव 103 धावांत संपुष्टात आला. भारताने तो सामना डाव आणि 262 धावांच्या प्रचंड फरकाने जिंकला होता. यावेळीही भारतीय संघ प्रबळ दावेदार मानला जात असला तरी नव्या मैदानावरील परिस्थिती, युवा खेळाडूंचे पदार्पण आणि अफगाणिस्तानची सुधारलेली कामगिरी यामुळे सामना अधिक रोमांचक होण्याची अपेक्षा आहे.
हे ही वाचा -
ध्रुव जुरेल OUT, ऋषभ पंत IN... अन् 2 स्टार खेळाडूंचे पदार्पण; अफगाणिस्तानविरुद्ध अशी असणार टीम इंडियाची प्लेइंग-11
Before You Go
IPL 2026 : राजस्थान रॉयल्सने पंजाब किंग्सचा घरच्या मैदानावर पराभव करत विजयीरथ रोखला
महत्त्वाच्या बातम्या
