World Cup 2019 : वेस्ट इंडिजची अफगाणिस्तानवर 23 धावांनी मात

वेस्ट इंडिजने अफगाणिस्तानवर 23 धावांनी मात करुन, आपल्या विश्वचषक मोहिमेची सांगता विजयाने केली. अफगाणिस्तानचा यंदाच्या विश्वचषकातला हा नऊ सामन्यांमधला सलग नववा पराभव ठरला.

लंडन : वेस्ट इंडिजने अफगाणिस्तानवर 23 धावांनी मात करुन, आपल्या विश्वचषक मोहिमेची सांगता विजयाने केली. अफगाणिस्तानचा यंदाच्या विश्वचषकातला हा नऊ सामन्यांमधला सलग नववा पराभव ठरला. या सामन्यात विंडीजने अफगाणिस्तानला 312 धावांचे आव्हान दिले होते. त्या आव्हानाचा पाठलाग करताना अफगाणी फलंदाजांनी 288 धावांची मजल मारली. यष्टिरक्षक इक्रम अली खानने सर्वाधिक 86 धावांची खेळी उभारली. रहमत शाहने ६२ धावांची खेळी करत त्याला चांगली साथ दिली. विंडीजकडून कार्लोस ब्रॅथवेटनं सर्वाधिक चार तर केमार रोशने तीन अफगाणी फलंदाजांना माघारी धाडले.

West Indies finish their #CWC19 campaign on a high!

They beat Afghanistan by 23 runs.#AFGvWI | #CWC19 | #MenInMaroon pic.twitter.com/iXJid59K9C — Cricket World Cup (@cricketworldcup) July 4, 2019

तत्पूर्वी या सामन्यात वेस्ट इंडिजने 50 षटकांत सहा बाद 311 धावांचा डोंगर उभारला होता. शाय होप, एविन लुईस आणि निकोलस पूरनच्या झुंजार फलंदाजीच्या जोरावर विंडीजने ही कामगिरी बजावली. होपनं 92 चेंडूत 77 धावांची खेळी केली. लुईसनं आणि निकोलस पूरननं प्रत्येकी 58 धावांचा वाटा उचलला. त्यामुळंच विंडीजला तीनशेचा टप्पा पार करता आला. अफगाणिस्तानकडून दवलत जादरान याने दोन फलंदाजांनी बाद केले. गुणतालिका

The standings after the conclusion of Afghanistan v West Indies.

The teams are rooted to the bottom of the table but have provided great entertainment at times during #CWC19! pic.twitter.com/elN5G9JBVx — Cricket World Cup (@cricketworldcup) July 4, 2019