Jitendra Gaware climbs Mt. Lhotse : पुण्यातील गिर्यारोहक जितेंद्र गवारे (Jitendra Gaware) यांनी जगातील चौथ्या क्रमांकाचे माउंट ल्होत्से शिखरावर चढाई करण्याची कामगिरी केली आहे. एव्हरेस्ट आणि अन्नपूर्णा मोहिम फत्ते केल्यानंतर 44 वर्षीय जितेंद्र गवारे यांनी आता माउंट ल्होत्से शिखरही सर करण्याची कामगिरी गवारे यांनी केली आहे. माउंट ल्होत्से या शिखराची उंची 8516 मीटर उंच इतकी आहे. जितेंद्रचे हे पाचवे अष्टहजारी शिखर आहे. पाच अष्टहजारी शिखरांवर यशस्वी चढाई करणारा जितेंद्र हा गिरिप्रेमीच्याच आशिष माने पाठोपाठ दुसरा महाराष्ट्रीय गिर्यारोहक ठरला आहे. समस्त गिरिप्रेमी परिवाराकडून व हितचिंतकांकडून जितेंद्रवर कौतुकाचा वर्षाव होत आहे.
पुण्यातील अग्रगण्य संस्था असलेल्या गिरिप्रेमीचा गिर्यारोहक जितेंद्र गवारे याने शनिवारी 8516 मीटर उंच असलेल्या माउंट ल्होत्से या जगातील चौथ्या उंच शिखरावर यशस्वी चढाई केली. आज म्हणजेच 14 मे रोजी स्थानिक वेळेनुसार सकाळी साडेसातच्या सुमारास जितेंद्र याने शिखरमाथा गाठला. जितेंद्रचे हे पाचवे अष्टहजारी शिखर आहे. या आधी 2019 मध्ये जगातील तिसरे उंच शिखर असलेले माउंट कांचनजुंगा, 2021 च्या एप्रिलमध्ये जगातील दहावे उंच शिखर असलेले माउंट अन्नपूर्णा-१, मे महिन्यात जगातील सर्वोच्च शिखर माउंट एव्हरेस्ट तर सप्टेंबरमध्ये जगातील आठवे उंच शिखर असलेल्या माउंट मनासलू शिखरावर यशस्वी चढाई केली होती.
44 वर्षीय जितेंद्र हा अत्यंत तयारीचा गिर्यारोहक आहे. त्याने GGIM च्या रॉक क्लायम्बिंग कोर्सच्या माध्यमातून वयाच्या पस्तिशीनंतर गिर्यारोहणाला सुरवात केली. अवघ्या काही वर्षातच जितेंद्रने पाच अष्टहजारी शिखरे व तसेच माउंट अमा दब्लम सारख्या अतिशय खडतर शिखरावर यशस्वी चढाई करून आपल्या कौशल्याची चुणूक दाखवून दिली आहे.
जेष्ठ गिर्यारोहक व श्री शिव छत्रपती पुरस्कार विजेते गिर्यारोहक उमेश झिरपे यांच्या मार्गदर्शनाखाली जितेंद्र गवारे यांनी हे यश मिळविलेय.
हे देखील वाचा-