रायझिंग पुण्याला पराभवाचा धक्का, दिल्लीचा 97 धावांनी दणदणीत विजय

पुणे: दिल्ली डेअरडेव्हिल्सच्या संजू सॅमसनचा शतकी ठोसा रायझिंग पुणेला भलताच भारी पडला. त्यामुळं या सामन्यात दिल्लीनं पुण्यावर 97 धावांनी नॉकआऊट विजय साजरा केला. या सामन्यात शतक झळकावणारा दिल्लीचा संजू सॅमसन हा आयपीएलच्या दहाव्या मोसमातला पहिला शतकवीर ठरला. सॅमसनच्या त्या शतकाला ख्रिस मॉरिसच्या नऊ चेंडूमधल्या नाबाद 38 धावांच्या खेळीची जोड लाभली. त्यामुळंच रायझिंग पुणेविरुद्धच्या सामन्यात दिल्ली डेअरडेव्हिल्सला 20 षटकांत चार बाद 205 धावांची मजल मारता आली. या आव्हानाचा पाठलाग करण्याचा पुण्याचा प्रयत्न अयशस्वी ठरला. दिल्लीच्या गोलंदाजांनी पुण्याचा डाव 108 धावांत गुंडाळला. दिल्लीचा कर्णधार झहीर खान आणि अमित मिश्रानं प्रत्येकी तीन फलंदाजांना माघारी धाडलं. त्याआधी, संजू सॅमसननं 63 चेंडूंत आठ चौकार आणि पाच षटकारांसह 102 धावांची खेळी उभारली. ख्रिस मॉरिसनं नऊ चेंडूमधल्या नाबाद 38 धावांच्या खेळीत चार चौकार आणि तीन षटकारांची उधळण केली. संबंधित बातम्या: यंदाच्या आयपीएलमधला पहिला शतकवीर; दिल्लीचा संजू सॅमसन!