सेमीफायनलमध्ये राहुल आवारेने भारताचा पारंपरिक प्रतिस्पर्धी देश असलेल्या पाकिस्तानच्या मोहम्मद बिलालला धोबीपछाड दिला. अतिशय अटीतटीच्या सामन्यात राहुल आवारेने कडवी झुंज देत 12-8 असा विजय मिळवला. या विजयानंतर फायनलमध्ये धडक देत त्याने भारतासाठी रौप्यपदक निश्चित केलं आहे.
राहुलने याआधी त्याच्या दोन सामन्यात तांत्रिक वर्चस्वाच्या जोरावर उपांत्य सामन्यात प्रवेश केला होता. राहुलने पहिल्या सामन्यात इंग्लंडच्या जॉर्ज रामवर 4-0 असा विजय मिळवला होता. राहुलच्या तुलनेत जॉर्ज कामगिरी फारच सुमार असल्याने रेफ्रीने राहुल आवारेला विजयी घोषित केलं.
तर पुढच्या सामन्यात राहुल आवारेने ऑस्ट्रेलियाच्या थॉमस चिचिहिनीला मात देऊन उपांत्य सामन्यात प्रवेश केला. दरम्यान, राहुलचा अंतिम सामना आज दुपारी 12 वाजता कॅनडाचा पैलवान स्टीफन तकाहाशीसोबत होणार आहे. त्यामुळे आणखी एक सुवर्ण पदक मिळण्याची भारतीयांची अपेक्षा उंचावली आहे.
प्रो रेसलिंग लीग : राहुल आवारेने संदीप तोमरला लोळवलं
बबिता फोगटचा सलग तिसरा विजय
दुसरीकडे महिलांच्या 53 किलो फ्री स्टाईल कुस्तीत भारताच्या बबिता कुमारीने सलग तिसरा विजय मिळवला आहे. बबिताने राऊंड रोबिनमधील दुसऱ्या सामन्यात श्रीलंकेच्या दीपिका दिलहानीवर 4-0 असा विजय मिळवला. बबिताने एकाच डावात दीपिकाला चीतपट करुन विजय मिळवला. त्याआधी बबिताने पहिल्या सामन्यात नायजेरियाच्या बोस सॅम्युअलला मात दिली. हा सामना तिने 3-1 ने जिंकला. बबितानेही भारतासाठी एक पदक निश्चित केलं आहे.
पैलवान राहुल आवारेचा ऑलिम्पिकच्या शर्यतीतून पत्ता कट
सुशील कुमार फायनलमध्ये
दुसरीकडे भारताचा पैलवान सुशीलकुमारने पुरुषांच्या 74 किलो कुस्ती प्रकाराच्या फायनलमध्ये प्रवेश केला आहे. सेमीफायनलमध्ये सुशीलने ऑस्ट्रेलियाच्या कोनोर इवान्सवर 4-0 ने मात करत अंतिम फेरीत प्रवेश केला. सुशीलने याआधी उपांत्यपूर्व फेरीत पाकिस्तानच्या मोहम्मद बटवर 4-0 अशा विजय मिळवला होता.
गेल्या चार स्पर्धांमधील भारताची कामगिरी
भारतीय खेळाडूंची गेल्या चार राष्ट्रकुल क्रीडा स्पर्धांमधली कामगिरी ही लक्षवेधक ठरली होती. त्यामुळे यंदा गोल्ड कोस्टच्या समुद्रमंथनातूनही भारताला पदकांची मोठी अपेक्षा आहे.
2002... मॅन्चेस्टर... 69 पदकं, 2006... मेलबर्न... 50 पदकं, 2010... दिल्ली... 101 पदकं, 2014... ग्लास्गो... 64 पदकांची लयलूट भारताने केली आहे
21 व्या राष्ट्रकुल स्पर्धेत भारताची कामगिरी
नेमबाजी (पुरुष डबल ट्रॅप) अंकुर मित्तल कांस्य
नेमबाजी (महिला डबल ट्रॅप) श्रेयसी सिंग सुवर्ण
नेमबाजी (पुरुष - 50 मीटर्स एअर पिस्टल) ओम मिथरवाल कांस्य
पॅरा-पॉवरलिफ्टिंग (हेवी वेट) सचिन चौधरी कांस्य
नेमबाजी (महिला - 25 मीटर रॅपिड पिस्टल) हीना सिद्धू सुवर्ण
बॅडमिंटन (मिश्र) सुवर्ण
टेबलटेनिस (पुरुष) सुवर्ण
नेमबाजी (महिला - 10 मीटर्स एअर रायफल) मेहुली घोष रौप्य
नेमबाजी (महिला - 10 मीटर्स एअर रायफल) अपूर्वी चंदेला कांस्य
नेमबाजी (पुरुष - 10 मीटर्स एअर पिस्टल) जितू राय सुवर्ण
नेमबाजी (पुरुष - 10 मीटर्स एअर पिस्टल) ओम मिथरवाल कांस्य
वेटलिफ्टिंग (पुरुष - 105 किलो वजनी गट) प्रदीप सिंग रौप्य
टेबल टेनिस (सांघिक) सुवर्ण
नेमबाजी (महिला - 10 मीटर्स एअर पिस्टल) मनू भाकेर सुवर्ण
नेमबाजी (महिला - 10 मीटर्स एअर पिस्टल) हीना सिद्धू रौप्य
नेमबाजी (पुरुष - 10 मीटर्स एअर रायफल) रवी कुमार कांस्य
वेटलिफ्टिंग (पुरुष - 94 किलो वजनी गट) विकास थालिया कांस्य
वेटलिफ्टिंग (महिला - 69 किलो वजनी गट) पूनम यादव (222 किलो वजन) सुवर्ण
वेटलिफ्टिंग (पुरुष - 85 किलो वजनी गट) आर वेंकट राहुल (338 किलो वजन) सुवर्ण
वेटलिफ्टिंग (पुरुष - 77 किलो वजनी गट) सतीश शिवलिंगम (317 किलो वजन) सुवर्ण
वेटलिफ्टिंग (महिला - 53 किलो वजनी गट) संजिता चानू (192 किलो वजन) सुवर्ण
वेटलिफ्टिंग (महिला - 48 किलो वजनी गट) मीराबाई चानू (196 किलो वजन) सुवर्ण
वेटलिफ्टिंग (पुरुष - 56 किलो वजनी गट) गुरुराजा (249 किलो वजन) रौप्य
वेटलिफ्टिंग (पुरुष - 69 किलो वजनी गट) दीपक लाथर (295 किलो वजन) कांस्य
संबंधित बातम्या :
CWG 2018 : हीना सिद्धूला सुवर्ण, यंदाच्या राष्ट्रकुलमध्ये दुसरं पदक
CWG 2018: भारतीय हॉकी संघाची सेमी फायनलमध्ये धडक
CWG 2018 : महिला-पुरुष नेमबाजीत एकाच दिवशी 4 पदकं
CWG 2018 : महिलांच्या सांघिक टेबल टेनिसमध्ये भारताला ‘सुवर्ण’
CWG 2018 : 16 वर्षांच्या मनूला नेमबाजीत सुवर्ण, हीनाला रौप्य
CWG 2018 : 69 किलो वजनी गटात पूनम यादवला सुवर्ण
CWG 2018 : 317 किलो वजन उचललं, सतीश शिवलिंगमला सुवर्ण
CWG 2018 : 18 वर्षांच्या दीपक लाथरला कांस्यपदक
CWG 2018 : संजिता चानूने 192 किलो वजन उचललं, भारताला दुसरं सुवर्ण
CWG 2018 : भारताला पहिलं गोल्ड, वेटलिफ्टर मीराबाई चानूला सुवर्ण
GC2018 : 249 किलो वजन उचललं, गुरुराजाला रौप्यपदक!
ऑस्ट्रेलियातील गोल्ड कोस्टमध्ये राष्ट्रकुल स्पर्धेची नांदी