Yashasvi Jaiswal Century : यशस्वी जैस्वालने शानदार शतक ठोकले, दिल्लीत वेस्ट इंडिजच्या गोलंदाजांना रडकुंडी आणलं, एका झटक्यात कोहली, गांगुलीला मागे टाकले
Yashasvi Jaiswal News : अहमदाबादमध्ये वेस्ट इंडिजविरुद्धच्या पहिल्या कसोटी सामन्यात जैस्वालने मोठी खेळी खेळली नाही, परंतु दुसऱ्या कसोटी सामन्यात त्याने तोच करिष्मा दाखवला ज्यासाठी तो ओळखला जातो.
Yashasvi Jaiswal Century India vs West Indies 2nd Test : भारत आणि वेस्ट इंडिज यांच्यात दोन सामन्यांची कसोटी मालिका सुरू आहे. या मालिकेतील दुसरा सामना दिल्लीतील अरुण जेटली स्टेडियमवर खेळला जात आहे. भारतीय कर्णधार शुभमन गिलने नाणेफेक जिंकून प्रथम फलंदाजी करण्याचा निर्णय घेतला. या सामन्यात भारताचा सलामीवीर यशस्वी जैस्वालने शतक झळकावले. त्याने दुसऱ्या सत्रात 145 चेंडूत शतक पूर्ण केले. अहमदाबादमध्ये वेस्ट इंडिजविरुद्धच्या पहिल्या कसोटी सामन्यात जैस्वालने मोठी खेळी खेळली नाही, परंतु दुसऱ्या कसोटी सामन्यात त्याने तोच करिष्मा दाखवला ज्यासाठी तो ओळखला जातो.
𝘼 𝙏𝙧𝙚𝙢𝙚𝙣𝙙𝙤𝙪𝙨 𝙏𝙤𝙣 💯
— BCCI (@BCCI) October 10, 2025
Yashasvi Jaiswal with another special innings filled with grind and composure👏
Updates ▶ https://t.co/GYLslRzj4G#TeamIndia | #INDvWI | @IDFCFIRSTBank | @ybj_19 pic.twitter.com/DF5SbpagLI
कसोटी क्रिकेटमधील जैस्वालचे सातवे शतक
जैस्वालने 145 चेंडूंचा सामना करत आपले सातवे कसोटी शतक पूर्ण केले आहे. त्याने 16 चौकार मारून शतक पूर्ण केले आहे, जरी त्याने एकही षटकार मारला नाही. उल्लेखनीय म्हणजे, भारताच्या वेस्ट इंडिज दौऱ्यात जैस्वालने वेस्ट इंडिजविरुद्ध कसोटी पदार्पण देखील केले होते. तेव्हा त्याने शतक ठोकले होते. आता जैस्वालने पुन्हा एकदा आपल्या पराक्रमाचे प्रदर्शन केले आहे. वेस्ट इंडिजविरुद्ध जैस्वालचे हे दुसरे कसोटी शतक आहे.
What a player! 👏@ybj_19 joins South African icon #GraemeSmith to score the most Test tons (7) by an opener aged 23 or younger! 🙌
— Star Sports (@StarSportsIndia) October 10, 2025
Catch the LIVE action 👉 https://t.co/8pkqpa9s4Z#INDvWI 👉 2nd Test, Day 1 | Live Now on Star Sports & JioHotstar pic.twitter.com/aig46QChOd
एका झटक्यात कोहली, गांगुलीला मागे टाकले
या डावात त्याने आपले 3000 आंतरराष्ट्रीय धावा पूर्ण केल्या आणि सर्वात कमी डावांमध्ये हा टप्पा गाठण्याच्या बाबतीत विराट कोहली आणि सौरव गांगुली सारख्या दिग्गजांना मागे टाकले. यशस्वी जैस्वाल आंतरराष्ट्रीय क्रिकेटमध्ये सर्वात कमी डावात 3,000 धावा पूर्ण करणारा फलंदाज बनला आहे. त्याने त्याच्या 71 व्या डावात हा टप्पा गाठला आहे.
2025 मध्ये यशस्वीचे तिसरे कसोटी शतक
यशस्वी जैस्वालचे हे या वर्षीचे तिसरे कसोटी शतक आहे. जून-जुलैमध्ये इंग्लंड दौऱ्यात त्याने दोन शतके केली. जैस्वालचे भारतातील हे तिसरे कसोटी शतक आहे. त्याने फेब्रुवारी 2024 मध्ये इंग्लंडविरुद्ध एसीए-व्हीडीसीए स्टेडियम (209) आणि सौराष्ट्र क्रिकेट असोसिएशन स्टेडियम (214) येथे शतके ठोकली होती.
हे ही वाचा -
महत्त्वाच्या बातम्या
