WPL 2023 : मुंबई इंडियन्स विरुद्ध दिल्ली कॅपिटल्स सामन्याला सुरुवात, दिल्लीनं नाणेफेक जिंकत निवडली गोलंदाजी
MI-W vs DC-W, Match : नवी मुंबईच्या डी.वाय. पाटील मैदानात सुरु मुंबई इंडियन्स विरुद्ध दिल्ली कॅपिटल्स सामन्यात नुकतीच नाणेफेक पार पडली असून दिल्लीनं नाणेफेक जिंकत गोलंदाजी निवडली आहे.
WPL 2023, MI vs DC : महिला प्रीमियर लीग (WPL) स्पर्धेत दमदार फॉर्मात असणारा मुंबई इंडियन्सचा संघ दिल्ली कॅपिटल्सविरुद्ध (MI vs DC) मैदानात उतरत आहे. दिल्ली कॅपिटल्सनं नुकतीच नाणेफेक जिंकत नुकतीच गोलंदाजी निवडली आहे. महिलांच्या आयपीएल 2023 च्या मोसमात दोन्ही संघ कमाल फॉर्मात आहेत. दोन्ही संघानी आतापर्यंत प्रत्येकी सहा सामने खेळले असून मुंबई इंडियन्सने केवळ एक सामना गमावला आहे. तर दिल्ली कॅपिटल्स संघाने दोनच सामने गमावले आहेत. त्यामुळे दोघेही चांगल्या स्थितीत गुणतालिकेत आहेत. आता आजचा सामना कोणता संघ जिंकेल ते पाहावे लागेल.
View this post on Instagram
कसे आहेत दोन्ही संघ?
कमाल फॉर्मात असणाऱ्या मुंबई इंडियन्सच्या संघानं त्यांच्या अंतिम 11 मध्ये केवळ एक बदल केला आहे. धारा गुजर विश्रांती करत असून पुजा वस्त्राकरला संधी देण्यात आली आहे. तर दुसरीकडे दिल्ली कॅपिटल्स संघाने एकही बदल केला असून याआधीच्या सामन्यातील अंतिम 11 घेऊनच ते मैदानात उतरले आहेत. तर नेमकी दोघांची अंतिम 11 कशी आहे पाहूया...
दिल्ली कॅपिटल्सचा संघ : मेग लॅनिंग (कर्णधार), शफाली वर्मा, अ‍ॅलिस कॅप्सी, जेमिमाह रॉड्रिग्स, मारिझान कॅप, तानिया भाटिया (विकेटकिपर), जेस जोनासेन, राधा यादव, अरुंधती रेड्डी, शिखा पांडे, पूनम यादव
मुंबई इंडियन्सचा संघ : हेली मॅथ्यूज, यास्तिका भाटिया (विकेटकिपर), नॅट सायव्हर-ब्रंट, हरमनप्रीत कौर (कर्णधार), अमेलिया केर, इस्सी वाँग, पूजा वस्त्राकर, अमनजोत कौर, हुमैरा काझी, जिंतीमनी कलिता, सायका इशाक
कधी, कुठे पाहाल सामना?
मुंबई इंडियन्स आणि दिल्ली कॅपिटल्स यांच्या महिला संघांमध्ये आज म्हणजेच 20 मार्च रोजी सामना होत आहे. मुंबई इंडियन्स आणि दिल्ली कॅपिटल्स यांच्या महिला संघांमध्ये सामना नवी मुंबईच्या डी.वाय. पाटील स्टेडियमवर होणार आहे. सामना भारतीय वेळेनुसार संध्याकाळी 7.30 वाजता सुरू होईल. सामन्याच्या अर्धा तास आधी म्हणजेच 7 वाजता टॉस होईल. मुंबई इंडियन्स आणि दिल्ली या महिला संघात खेळल्या जाणाऱ्या या सामन्याचे थेट प्रक्षेपण स्पोर्ट्स 18 नेटवर्कवर संध्याकाळी 7:30 वाजता सुरू होईल. त्यांच्याकडे संपूर्ण हंगामातील सामन्यांचे प्रसारण अधिकार आहेत. त्याच वेळी, या सामन्याचे ऑनलाइन लाइव्ह स्ट्रीमिंग जिओ सिनेमाच्या अॅप आणि वेबसाइटवरून पाहता येईल. ज्यामध्ये त्यांना हे सामने Jio सिनेमावर 4K मध्ये पाहण्याची सुविधा मिळेल.
हे देखील वाचा-
महत्त्वाच्या बातम्या
ट्रेंडिंग न्यूज
