Chris Gayle Garba Plays Video : भारतात सध्या लीजेंड्स लीग क्रिकेट (Legends League Cricket) स्पर्धेचे सामने खेळवले जात आहेत. यामध्ये जागतिक क्रिकेटमधील माजी दिग्गज क्रिकेटर आयपीएलप्रमाणे जगभरातील माजी दिग्गज एकमेंकासोबत मिळून सामने खेळत आहेत. यासाठीच युनिव्हर्सल बॉस म्हणून प्रसिद्ध ख्रिस गेल (Chris Gayle) सध्या भारतात असून तो नेहमीप्रमाणे आपल्या हटके आणि बिंधास्त अंदाजात दिसून आला. गेल सध्या वीरेंद्र सेहवाग कर्णधार असणाऱ्या गुजरात जायंट्स संघासोबत असून तो नुकताच जोधपूरमध्ये नवरात्री साजरी करताना दिसून आला. नवरात्रीच्या निमित्ताने वेस्ट इंडिजचा दिग्गज फलंदाज ख्रिस गेलने जबरदस्त गरबा डान्सही केला.
जगातील सर्वात स्फोटक फलंदाजांपैकी एक ख्रिस गेलने राजस्थानमध्ये पूर्ण जोमात नवरात्री साजरी केली. यादरम्यान तो गरबा करताना दिसला. ख्रिस गेलच्या गरब्याचा हा व्हिडिओ सोशल मीडियावर मोठ्या प्रमाणात व्हायरल होत आहे. ख्रिस गेल गरबा खेळतानाचा हा व्हिडिओ त्याच्या अधिकृत ट्विटर अकाऊंटवरून गुजरात जायंट्सच्या लीजेंड्स क्रिकेट लीगच्या त्याच्या फ्रेंचायझीनेही शेअर केला आहे. गेलचा गरबा चाहत्यांनाही खूप आवडला असून अनेकजण त्यावर कमेंट करत असून शेअरही करत आहेत.
पाहा VIDEO
गिलचा फॉर्म आजही कायम
नुकत्याच झालेल्या भिलवाडा किंग्ज विरुद्धच्या सामन्यात गेल तुफानी इनिंग खेळताना दिसला. त्याने 40 चेंडूत 170 च्या स्ट्राईक रेटने 68 धावांची खेळी खेळली. त्याच्या खेळीत 9 चौकार आणि तीन षटकारांचा समावेश होता. गुजरात जायंट्सने हा सामना गमावला असला तरी गेलनं पुन्हा एकदा चाहत्यांची मनं जिंकली.
फायनलमध्ये जाण्याची गुजरातला संधी
गेल खेळणाऱ्या गुजरात जायंट्स संघाचा आज सामना भिलवाडा किंग्स (Gujrat Giants vs bhilwara kings) यांच्याशी होणार आहे. गुजरात जायंट्स आणि भिलवाडा किंग्स यांच्यात एलिमिनेटर सामना रंगणार आहे.या सामन्यातील विजेता संघ फायनलमध्ये इंडिया कॅपिटल्सशी भिडणार आहे.