Rishabh Pant Accident: ऋषभ पंतसाठी उर्वशी रौतेला करतेय प्रार्थना; इन्स्टाग्रामवर लिहिलीय खास पोस्ट!
Urvashi Rautela On Rishabh Pant: भारताचा युवा यष्टीरक्षक ऋषभ पंतच्या कारला आज पहाटे भीषण अपघात झाला.
Urvashi Rautela On Rishabh Pant: भारताचा युवा यष्टीरक्षक ऋषभ पंतच्या कारला आज पहाटे भीषण अपघात झाला. या अपघातात ऋषभ पंतच्या (Rishabh Pant) डोक्याला आणि पायाला दुखापत गंभीर दुखापत झालीय. महत्त्वाचे म्हणजे, ऋषभ पंत प्रकृती स्थिर असून त्याच्यावर उपचार सुरू आहेत. दरम्यान, ऋषभ पंत लवकरात लवकर बरा व्हावा म्हणून जगभरातून प्रार्थना केली जात आहे. यातच बॉलिवूड अभिनेत्री उर्वशी रौतेलानंही (Urvashi Rautela) ऋषभ पंतचं नाव न घेता त्याच्यासाठी सोशल मीडियावर एक पोस्ट टाकलीय.
ऋषभ पंतच्या कार अपघातानंतर उर्वशी रौतेलानं तिच्या इन्स्टाग्राम अकाऊंट एक पोस्ट केलीय. या पोस्टच्या कॅप्शनमध्ये तिनं UR1 असं लिहून प्रार्थना केलीय. उर्वशीची ही पोस्ट सोशल मीडियावर प्रचंड व्हायरल होत आहे.
उर्वशी रौतेलाची इन्स्टाग्राम पोस्ट-
View this post on Instagram
उर्वशी-ऋषभचा वाद चर्चेत
सोशल मीडियावर गेल्या काही दिवसांपूर्वी उर्वशी रौतेला आणि ऋषभ पंत यांच्यातील वाद पाहायला मिळाला होता. एका मुलाखतीत उर्वशीने ऋषभ पंतचा उल्लेख केला होता. तर, यावरून चिडलेल्या ऋषभ पंतने तिला ‘ताई बस कर.. आता अजून किती खोटं बोलशील’ असा टोला लगावला होता. यावर उत्तर देताना उर्वशीने ऋषभला ‘छोटू भय्या’ म्हटलं होतं. दोघांमधील हा वाद अनेक दिवस चर्चेत होता. मात्र, त्यानंतर एका कार्यक्रमात उर्वशीने या सगळ्यावर माफी देखील मागितली होती. अर्थात तिने थेट ऋषभची माफी मागितली नसली, तरी तिने या प्रकरणावर बोलण्यास नकार दिला.
कारवरील नियंत्रण सुटल्यानं अपघात
भारताचा यष्टीरक्षक ऋषभ पंत कारला भीषण अपघात झालाय. दिल्लीहून घरी येत असताना त्याच्या कारला अपघात झालाय. यामध्ये ऋषभ गंभीर जखमी झाल्यानं त्याला तातडीनं देहरादून रुग्णालयात दाखल करण्यात आलं. कार चालवताना अचानक झोप लागल्यानं कारवरील नियंत्रण सुटल्यानं हा अपघात झाल्याचं पंतनं सांगितलं.
हे देखील वाचा-
महत्त्वाच्या बातम्या
