T20 World Cup 2024 Ind vs Pak: टी-20 विश्वचषकात (T20 World Cup 2024) आज भारत आणि पाकिस्तान (India vs Pakistan) यांच्यात महामुकाबला होणार आहे. न्यूयॉर्कमधील नासाऊ काउंटी इंटरनॅशनल मैदानावर हा सामना रंगेल. भारतीय वेळेनूसार रात्री 8 वाजता या सामन्याला सुरुवात होईल. भारत आणि पाकिस्तानचा टी-20 विश्वचषकातील हा दुसरा सामना असेल. पाकिस्तानला पहिल्या सामन्यात पराभवाचा सामना करायला लागला होता. तर भारताने आयर्लंडविरुद्ध विजयी सुरुवात केली. 


भारतासह जगभरात भारत आणि पाकिस्तानच्या सामन्याची चर्चा सुरु आहे. जगभरातील चाहत्यांना भारत आणि पाकिस्तानच्या सामन्याची उत्सुकता आहे. याचदरम्यान भारतीय क्रिकेट संघाचा वेगवान गोलंदाज जसप्रीत बुमराह याची पत्नी संजना गणेशन हिने एका मुलाखतीत केलेलं विधान सोशल मीडियावर चर्चेत आहे. आशिया चषक स्पर्धेत पाकिस्तानचा वेगवान गोलंदाज शाहीन अफ्रिदीने जसप्रीत बुमराहला मुलगा अंगदसाठी भेटवस्तू दिली होती. 


आशिया चषकाच्या साखळी फेरीत जेव्हा भारत आणि पाकिस्तान यांच्यातील सामना पावसामुळे धुवून निघाला तेव्हा शाहीनने बुमराहला एक भेटवस्तू दिली. बुमराह नुकताच बाबा झाल्यामुळे शाहीनने त्याला भेट म्हणून बॉक्समध्ये काहीतरी दिले. दरम्यान, आशिया चषकाच्या स्पर्धेदरम्यान शाहीन आफ्रिदीने बुमराहला भेट दिल्यामुळे त्याच्यावर सर्वच स्तरातून कौतुकाचा वर्षाव झाला होता. 






बुमहारची पत्नी संजना नेमकं काय म्हणाली?


'द ग्रेड क्रिकेटर युट्यूब' चॅनेलवर बोलताना संजना म्हणाली की, शाहीनने दिलेल्या बॉक्समध्ये कोणते गिफ्ट नव्हते. त्यामध्ये एक संच होता, ज्यामध्ये अनेक गोष्टी होत्या, ज्यांचा वापर अंगद आजही करतोय. आज होणाऱ्या सामन्याबाबतही संजनाने प्रतिक्रिया दिली आहे. मैदानात हा संघर्ष होणे साहजिकच आहे, पण मैदानाबाहेर असे होता कामा नये, असे मला वाटते. 


भारतीय संघाची संभाव्य प्लेइंग इलेव्हन-


भारत: रोहित शर्मा (कर्णधार), यशस्वी जैस्वाल, विराट कोहली, ऋषभ पंत, सूर्यकुमार यादव, शिवम दुबे, हार्दिक पंड्या, रवींद्र जडेजा, कुलदीप यादव, जसप्रीत बुमराह आणि अर्शदीप सिंग.


पाकिस्तान संघाची संभाव्य प्लेइंग इलेव्हन-


पाकिस्तानः बाबर आझम (कर्णधार), मोहम्मद रिझवान (यष्टीरक्षक), उस्मान खान, फखर जमान, शादाब खान, इमाद वसीम, इफ्तिखार अहमद, शाहीन शाह आफ्रिदी, मोहम्मद अमीर, हरिस रौफ आणि नसीम शाह.


भारताचा संपूर्ण संघ:


रोहित शर्मा(कर्णधार), यशस्वी जयस्वाल, विराट कोहली, सूर्यकुमार यादव, ऋषभ पंत (विकेटकीपर), संजू सॅमसन (विकेटकीपर), हार्दिक पांड्या (उपकर्णधार), शिवम दुबे, रवींद्र जाडेजा, अक्षर पटेल, कुलदीप यादव, युजवेंद्र चहल, अर्शदीप सिंह, जसप्रीत बुमराह, मोहम्मद सिराज. 


राखीव खेळाडू- शुभमन गिल, रिंकू सिंग, आवेश खान, खलील अहमद 


पाकिस्तानचा संपूर्ण संघ-


बाबर आझम (कर्णधार), अबरार अहमद, आझम खान, फखर जमान, हॅरिस रौफ, इफ्तिखार अहमद, इमाद वसीम, मोहम्मद आफ्रिदी, मोहम्मद आमिर, मोहम्मद रिझवान, नसीम शाह, सईम अयुब, शादाब खान, शाहीन शाह अफ्रिदी, उस्मान खान