PAK vs SL, Asia Cup 2022 : आशिया कप 2022 (Asia Cup 2022) स्पर्धेतील सुपर-4 फेरीचा शेवटचा सामना श्रीलंका आणि पाकिस्तान (SL vs PAK) यांच्यात पार पडला. सामन्यात श्रीलंकेने पाकिस्तानचा पाच गडी राखून पराभव केला. विशेष म्हणजे सामना पार पडलेल्या 9 सप्टेंबर यादिवशीच श्रीलंकेचा कर्णधार दासुन शनाकाचा 31 वा वाढदिवस होता. त्यामुळे शुक्रवारी रात्री श्रीलंकेच्या ड्रेसिंग रूममध्ये दुहेरी उत्सवाचे वातावरण होतं. त्यामुळे हे डबल सेलिब्रेशन श्रीलंकेच्या ड्रेसिंग रूममध्ये खेळाडूंनी केक कापून आणि धिंगाणा करुन सेलिब्रेट केले. श्रीलंकेच्या ड्रेसिंग रूममध्ये खेळाडू मजा-मस्ती करतानाचा व्हिडिओ सोशल मीडियावर चांगलाच व्हायरल होत आहे. हा व्हिडिओ क्रिकेट श्रीलंकेच्या अधिकृत ट्वीटर हँडलवरूनही शेअर करण्यात आला आहे.
पाहा व्हिडीओ -
सामन्याचा लेखा-जोखा
श्रीलंका आणि पाकिस्ताननं दोन्ही संघानी अंतिम फेरीतील स्थान आधीच पक्क केलं होतं. त्यामुळे या सामन्याच्या निकालाचा स्पर्धेवर कोणताही परिणाम होणार नव्हता. दोन्ही संघांना येथे अंतिम फेरीपूर्वी आपल्या खेळाडूंची चाचपणी करण्याची संधी होती. त्यामुळे हा औपचारीक सामना एक सराव सामना होता. श्रीलंका विरुद्ध पाकिस्तान हा सामना दुबई आंतरराष्ट्रीय क्रिकेट स्टेडियमवर (Dubai International Cricket Stadium) खेळवला गेला असून श्रीलंका संघाने नाणेफेक जिंकत प्रथम गोलंदाजी करण्याचा निर्णय़ घेतला होता. त्यानंतर श्रीलंकेच्या गोलंदाजांनी अप्रतिम गोलंदाजी करत 19.1 षटकांत पाकिस्तानचा डाव रोखत त्यांना 121 धावांवर रोखलं.
ज्यानंतर श्रीलंकेचा संघ 122 धावांचं लक्ष्य गाठण्यासाठी मैदानात आला असताना त्यांची सुरुवात खराब झाली. सुरुवातीचे काही गडी स्वस्तात बाद झाले. पण सलामीवीर पाथुम निसांका याने टिकून राहून अर्धशतकी खेळी करत सामना जिंकवून दिला. त्याने 48 चेंडूत 5 चौकार आणि एक षटकार ठोकत नाबाद 55 धावा केल्या. त्याला दासून, वानिंदू, भानुका यांनीही साथ दिली त्यामुळे श्रीलंकेनं 17 षटकात केवळ 5 गडी गमावत आव्हान पार केलं. आता श्रीलंकेचा संघ हा सामना जिंकला असून पाकिस्ताननं संपूर्ण स्पर्धेत उत्तम कामगिरी केली आहे, त्यामुळे अंतिम सामना चुरशीचा होणार हे नक्की!
हे देखील वाचा-