MI IPL 2022 Confirmed Retained players list: आयपीएल 2022 च्या पार्श्वभूमीवर मुंबई इंडियन्सनं रिटेन केलेल्या खेळाडूंची नावं जाहीर केली आहेत. आयपीएलमध्ये मुंबईच्या संघाला सर्वात यशस्वी संघ म्हणून ओळखलं जातं. रोहित शर्माच्या नेतृत्वात मुंबईच्या संघानं आतापर्यंत आयपीएलच्या पाच ट्रॉफी जिंकल्या आहेत. तसेच मुंबईच्या खेळाडूंनी आकर्षक कामगिरीच्या जोरावर आयपीएलमध्ये वेगळीच छाप सोडली आहे. यामुळं मुंबईत इंडियन्स कोणत्या खेळाडूंना रिटेन करेल? याकडे सर्वांच लक्ष लागलं होतं. 


यावर्षी आयपीएलमध्ये सामील झालेल्या अहमदाबाद आणि लखनौच्या संघांना खेळाडू निवडण्याची संधी दिली जाणार आहे. या प्रक्रियेनंतरच आयपीएल 2022च्या मेगा ऑक्शनचं वेळापत्रक ठरवण्यात येईल. आयपीएलच्या पुढील हंगामात दोन नव्या संघाची ऍन्ट्री झाल्यानं स्पर्धा आणखी रंगतदार होण्याची अपेक्षा केली जात आहे.  


मुंबई इंडियन्सनं रिटेन केलेल्या खेळाडूंची यादी- 


रोहित शर्मा (16 कोटी)
जसप्रीत बुमराह (12 कोटी)
सुर्यकुमार यादव (8 कोटी)
कायरन पोलार्ड (6 कोटी)


आयपीएलच्या चौदाव्या हंगामाची सुरुवात भारतात झाली होती. मात्र, काही संघातील खेळाडू कोरोना पॉझिटिव्ह आढळल्यानंतर स्पर्धा स्थगित करण्याची नामुष्की बीसीसीआयवर ओढावली. त्यानंतर 2020 मध्ये झालेली 13 व्या हंगामातील उर्वरित सामने युएईच्या मैदानात खेळवण्यात आले होते. परंतु, आयपीएलचा 15 वा हंगाम भारतातच पार पडणार असल्याचं भारतीय क्रिकेट नियमाक मंडळाचे सचिव जय शाह यांनी काही दिवसांपूर्वी म्हंटलं होतं. 


LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha


हे देखील वाचा-