KL Rahul Century : भारतीय क्रिकेटच्या इतिहासात फक्त दुसऱ्यांदा घडलं! लॉर्ड्सवर केएल राहुलने शतक ठोकलं, पण काही सेकंदांतच मोठा ट्विस्ट, नेमकं काय घडलं?
KL Rahul 10th Test century : इंग्लंड दौऱ्यावर केएल राहुलने आपली शानदार फलंदाजी सुरू ठेवून इतिहास रचला आहे.
KL Rahul Century IND vs ENG 3rd Test : इंग्लंड दौऱ्यावर केएल राहुलने आपली शानदार फलंदाजी सुरू ठेवून इतिहास रचला आहे. कसोटी मालिकेच्या पहिल्या सामन्यात शतक झळकावल्यानंतर, राहुलने आता लॉर्ड्सवरही शतक ठोकले आहे. टीम इंडियाच्या सलामीवीराने लॉर्ड्स कसोटीच्या तिसऱ्या दिवशी आपले नववे कसोटी शतक पूर्ण केले. या ऐतिहासिक मैदानावर एकापेक्षा जास्त कसोटी शतक झळकावणारा राहुल भारताचा दुसरा फलंदाज बनला आहे. पण थरारक ट्विस्ट म्हणजे, या शतकानंतर राहुल फक्त 177 चेंडूवर 100 धावा करून बाद झाला.
राहुलने शनिवार 12 जुलै रोजी लॉर्ड्स येथील कसोटी मालिकेच्या तिसऱ्या सामन्याच्या तिसऱ्या दिवशी टीम इंडियाच्या पहिल्या डावात ही आश्चर्यकारक कामगिरी केली. दुसऱ्या दिवशी अर्धशतक झळकावल्यानंतर 53 धावांवर नाबाद परतलेल्या राहुलने दुसऱ्या दिवशी आक्रमक शैली दाखवली आणि चौकार वसूल करण्यावर लक्ष केंद्रित केले. यादरम्यान, राहुलने ब्राइडन कार्सच्या एका षटकात सलग 3 चौकारही मारले. या दरम्यान, त्यांनी ऋषभ पंतसह 141 धावांची दमदार भागीदारी केली.
View this post on Instagram
इंग्लंडविरुद्धचे 5 वे कसोटी शतक..
राहुलची बॅट इंग्लंड क्रिकेट संघाविरुद्ध खूप प्रभावी आहे. त्याने आतापर्यंत या संघाविरुद्ध 16 कसोटी सामने खेळले आहेत, ज्यामध्ये त्याने 29 डावांमध्ये 1,200 पेक्षा जास्त धावा केल्या आहेत. दरम्यान, त्याने 5 शतकांव्यतिरिक्त 2 अर्धशतके झळकावली आहेत. इंग्लंडनंतर राहुलने दक्षिण आफ्रिकेविरुद्ध 2 शतके झळकावली आहेत. त्याच वेळी, त्याने ऑस्ट्रेलिया, श्रीलंका आणि वेस्ट इंडिजविरुद्ध प्रत्येकी 1 शतक झळकावले आहे.
भारतीय क्रिकेटच्या इतिहासात फक्त दुसऱ्यांदा घडलं...
राहुलने लॉर्ड्सवर दुसरे कसोटी शतक झळकावले. त्याने येथे 3 सामने खेळले आहेत, ज्यामध्ये त्याने 250 पेक्षा जास्त धावा केल्या आहेत. या मैदानावर सर्वाधिक शतके करणारा तो दुसरा भारतीय फलंदाज बनला आहे. या यादीत त्याच्या पुढे दिलीप वेंगसरकर आहेत, ज्यांनी लॉर्ड्सवर 3 शतके केली आहेत. वेंगसरकर यांनी या मैदानावर 4 कसोटी सामने खेळले आणि 72.57 च्या प्रभावी सरासरीने 508 धावा केल्या.
राहुलने केले हे विक्रम...
राहुल लॉर्ड्सवर 2 शतके करणारा पहिला भारतीय सलामीवीर ठरला. त्याच्याशिवाय, परदेशी सलामीवीर बिल ब्राउन, गॉर्डन ग्रीनिज आणि ग्रॅमी स्मिथ यांनीही प्रत्येकी 2 कसोटी शतके झळकावली आहेत. इंग्लंडच्या भूमीवर त्याचे चौथे शतक झळकावले. इंग्लंडमध्ये सलामीवीर म्हणून सर्वाधिक शतके करणारा तो भारतीय आहे.
हे ही वाचा -
महत्त्वाच्या बातम्या
