IND vs WI, 2nd T20I : भारत विरुद्ध वेस्ट इंडीज दुसऱ्या टी20 सामन्याच्या वेळेत बदल, उशीराने सुरु होणार सामना
IND vs WI, 2nd T20 : भारत आणि वेस्ट इंडीज यांच्यात आज दुसरा टी20 सामना सेंट किट्स येथील वॉर्नर पार्कमध्ये होणार असून आधी सामना सायंकाळी 8 वाजता सुरु होणार होता.
IND vs WI, 2nd T20, Match Time : भारत विरुद्ध वेस्ट इंडीज (India vs West indies) यांच्यात आज दुसरा टी20 सामना खेळवला जात आहे. सेंट किट्स येथील वॉर्नर पार्क क्रिकेट स्टेडियमवर पार पडणारा हा सामना आधी 8 वाजता सुरु होणार होता. पण आता सामन्याच्या वेळेत बदल करण्यात आला आहे. सामना आता दोन तास उशीराने म्हणजे भारतीय वेळेनुसार रात्री 10 वाजता सुरु होणार आहे. सामना होणाऱ्या ठिकाणी भारतीय संघ पोहोचला असला तरी त्यांचं सामान उशीराने पोहोचल्याने वेळेत बदल झाला आहे, अशी माहितीही समोर येत आहे.
The second T20 between India vs West Indies starts at 10 pm IST today.
— Johns. (@CricCrazyJohns) August 1, 2022
पाच सामन्यांच्या टी20 मालिकेत भारताने एक सामना जिंकल्यामुळे आजचा सामना जिंकून मालिकेतील आघाडी वाढवण्याचा भारताचा प्रयत्न असून वेस्ट इंडीज बरोबरी करण्यासाठी मैदाणात उतरणार आहे. दरम्यान आजचा सामना होणाऱ्या मैदानात भारत पहिलाच सामना खेळत आहे. दुसरीकडे वेस्ट इंडीजने मात्र याठिकाणी 10 आंतरराष्ट्रीय सामने खेळले असून त्यातील 6 जिंकले देखील आहेत.याशिवाय दोन सामन्यात त्यांना पराभव पत्करावा लागला असून दोन सामने अनिर्णीत राहिले आहेत.
संभाव्य भारतीय संघ - रोहित शर्मा (कर्णधार), सूर्यकुमार यादव, श्रेयस अय्यर, ऋषभ पंत (विकेटकिपर), दिनेश कार्तिक, दीपक हुडा, हार्दीक पांड्या, रवींद्र जाडेजा, रवीचंद्रन आश्विन, भुवनेश्वर कुमार, अर्शदीप सिंह, रवी बिश्नोई.
संभाव्य वेस्ट इंडीज संघ - काइल मेयर्स, ब्रँडन किंग, निकोलस पूरन (कर्णधार), जेसन होल्डर, शिमरॉन हेटमायर, रोव्हमन पॉवेल, ओडेन स्मिथ, ओबेद मकॉय, अल्झारी जोसेफ, हेडन वॉल्श, अकेल हुसेन.
हे देखील वाचा -
महत्त्वाच्या बातम्या
ट्रेंडिंग न्यूज
