IND vs WI, 1st T20, Toss Update : वेस्ट इंडीजने नाणेफेक जिंकत निवडली गोलंदाजी, भारतीय संघ फलंदाजी करण्यासाठी सज्ज
IND vs WI : भारत आणि वेस्ट इंडीज यांच्यातील पहिला टी20 सामना खेळवला जात असून नुकतीच नाणेफेक झाली असून वेस्ट इंडीजने नाणेफेक जिंकली असून प्रथम गोलंदाजी करण्याचा निर्णय़ घेतला आहे.
India vs West Indies Toss Update : भारत आणि वेस्ट इंडीज (India vs West Indies) यांच्यात काही मिनिटांत सुरु होणाऱ्या पहिल्या टी20 सामन्यात नुकतीच नाणेफेक पार पडली आहे. वेस्ट इंडीजने नाणेफेक जिंकली आहे. प्रथम गोलंदाजी करण्याचा निर्णय त्यांनी यावेळी घेतला आहे. त्रिनिदाद येथील ब्रायन लारा क्रिकेट स्टेडियमवर होणारा हा पहिलाच आंतरराष्ट्रीय सामना असल्याने नेमकी खेळपट्टी कोणासाठी फायद्याची ठरले याकडे सर्वांचे लक्ष आहे. भारताला कमी धावांमध्ये रोखून मग लक्ष्याचा यशस्वी पाठलाग करण्याचा निर्धार वेस्ट इंडीजचा आहे.
एकदिवसीय मालिकेतील तिन्ही सामने भारताने जिंकले आणि वेस्ट इंडीजला 39 वर्षांत प्रथमच त्यांच्याच भूमीत व्हाईट वॉश दिला. ज्यानंतर आता भारत टी20 मालिकाही जिंकून एक नवा विक्रम रचण्यासाठी सज्ज झाली आहे. आजचा सामना जिंकणारा संघ मालिकेत 1-0 ची आघाडी घेणार असल्याने दोघांसाठी हा सामना अत्यंत महत्त्वाचा आहे. सामना पार पडणाऱ्या मैदानातील हा पहिलाच आंतरराष्ट्रीय सामना असला तरी कॅरेबियान प्रीमियर लीगचे (CPL) सामने याठिकाणी झाले असून त्या सामन्यांच्या आधारे याठिकाणची मैदानाची स्थिती सांगतिली जाऊ शकते. त्यानुसार ही खेळपट्टी गोलंदाजांना आणि फलंदाजांना दोघांना बऱ्यापैकी मदत देऊ शकते. याआधी येथे झालेल्या टी20 सामन्यांत 7.40 च्या इकोनॉमी रेटने रन झाले आहेत. ज्यामुळे आजही एक चुरशीचा सामना पाहायला मिळू शकतो.
भारतीय संघ - रोहित शर्मा (कर्णधार), सूर्यकुमार यादव, श्रेयस अय्यर, ऋषभ पंत (विकेटकिपर), रवींद्र जाडेजा, हार्दीक पांड्या,दिनेश कार्तिक, रवी बिश्नोई, रवीचंद्रन आश्विन, भुवनेश्वर कुमार, आणि अर्शदीप सिंह
वेस्ट इंडीज संघ - काइल मेयर्स, ब्रँडन किंग, निकोलस पूरन (कर्णधार), जेसन होल्डर, शिमरॉन हेटमायर, रोव्हमन पॉवेल, ओडेन स्मिथ, ओबेद मकॉय, अल्झारी जोसेफ, किमो पॉल, अकेल हुसेन.
हे देखील वाचा-
महत्त्वाच्या बातम्या
