IND Vs SL: श्रीलंकाविरुद्ध दुसऱ्या टी-20 सामन्यात रोहित शर्मा रचणार इतिहास; मॉर्गन, विलियमसनला टाकणार मागे

IND Vs SL: भारत आणि श्रीलंका यांच्यात तीन सामन्याची टी-20 मालिका खेळली जात आहे. या मालिकेतील पहिल्यासामन्यात भारतानं श्रीलंकेला 62 धावांनी पराभूत करून मालिकेत 1-0 अशी आघाडी घेतलीय.

Rohit Sharma (Photo Credit: Twitter)

IND Vs SL: भारत आणि श्रीलंका यांच्यात तीन सामन्याची टी-20 मालिका खेळली जात आहे. या मालिकेतील पहिल्यासामन्यात भारतानं श्रीलंकेला 62 धावांनी पराभूत करून मालिकेत 1-0 अशी आघाडी घेतलीय. या मालिकेतील दुसरा सामना आज धर्मशाला येथील हिमाचल प्रदेश क्रिकेट असोसिएशन स्डेडिअमवर खेळला जाणार आहे. या सामन्यात भारताचा कर्णधार रोहित शर्मा याच्याकडं इतिहास रचण्याची संधी आहे. 

रोहित शर्माला उत्तम कर्णधार म्हणून ओळखले जाते. त्याच्या नेतृत्वाखाली मुंबई इंडियसन्सच्या संघानं आयपीएलमध्ये सर्वाधिक म्हणजे पाच वेळा जेतेपदं पटकावली आहेत. एवढेच नव्हेतर, रोहित शर्माच्या नेतृत्वात भारतीय संघानं मायदेशात 98 टक्के टी-20 सामने जिंकले आहेत. मायदेशात आतापर्यंत सर्वाधिक टी-20 सामने जिंकणाऱ्या कर्णधाराच्याबाबतीत रोहित शर्मा हा मॉर्गन आणि विल्यमसन यांच्या बरोबरीने उभा आहे.

रोहित शर्मानं आतापर्यंत 16 टी-20 सामन्यात भारताचं नेतृत्व केलंय. यापैकी 15 सामन्यात भारतानं विजय मिळवलाय. तर, केवळ एका सामन्यात भारताला पराभव स्वीकारावा लागलाय. इयॉन मॉर्गन आणि केन विल्यमसन यांनी आपपल्या संघाचं नेतृत्व करत त्यांच्या मायदेशात आतापर्यंत 15 टी-20 सामने जिंकले आहेत. दरम्यान, श्रीलंकाविरुद्ध खेळल्या जाणाऱ्या सामन्यात आज भारतानं विजय मिळवला तर रोहितच्या नेतृत्वात भारतीय संघ 16 वा टी-20 सामना जिंकून इतिहासाची नोंद करेल.

संघ-

भारत: रोहित शर्मा (कर्णधार), इशान किशन, ऋतुराज गायकवाड, संजू सॅमसन, श्रेयस अय्यर, दीपक हुडा, वेंकटेश अय्यर, रवींद्र जडेजा, यजुर्वेद्र चहल, रवी बिश्नोई, कुलदीप यादव, जसप्रीत बुमरा, मोहम्मद सिराज, आवेश खान, हर्षल पटेल, भुवनेश्वर कुमार.

श्रीलंका: दसुन शनका (कर्णधार), पथुम निसंका, चरिथ असलंका, दिनेश चंडिमल, कुशल मेंडिस, दानुष्का गुणथिलका, कमिल मिशारा, जनिथ लियांगे, चमिका करुणारत्ने, दुश्मंता चमीरा, लाहिरू कुमारा, बिनुरा फर्नाडो, शिरान फर्नाडो, महीष थिक्षणा, प्रवीण जयविक्रमा, अशियान डॅनिएल, जेफ्री वॉडर्से.

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha